თელავის მერიას სტიქიის სალიკვიდაციო სამუშაოების განხორციელებისთვის შესაბამისი ფინანსური რესურსი გამოეყოფა

თელავის მუნიციპალიტეტის მასშტაბით სტიქიამ 200 - ზე მეტი საცხოვრებელი სახლი დააზიანა, რისი აღწერაც უკვე დასრულდა.

როგორც „ინტერპრესნიუსს“კახეთის მხარეში სახელმწიფო რწმუნებულის ადმინისტრაციიდან აცნობეს, ყვარლის მუნიციპალიტეტში ზიანი მიადგა სასოფლო-სამეურნეო სავარგულებს, ხოლო თელავის მუნიციპალიტეტში ერთწლოვანი და მრავალწლოვანი კულტურების პარალელურად, საცხოვრებელი სახლების ინფრასტრუქტურა დაზიანდა. ჯამში, სტიქიამ თელავის მუნიციპალიტეტის 10 სოფელი და ქალაქი თელავი დააზარალა.

„კახეთის რეგიონში, 15 ივლისს მომხდარი სტიქიის შედეგად თელავისა და ყვარელის მუნიციპალიტეტები დაზარალდა. თელავის მუნიციპალიტეტის მერიის შესაბამისი სამსახურები აწარმოებენ დაზიანებული ინფრასტრუქტურის აღწერას. კომიისის მიერ მუნიციპალიტეტის მასშტაბით, 200 - ზე მეტი დაზიანებული საცხოვრებელი სახლი იქნა აღწერილი. მთავრობის გადაწყვეტილებით, თელავის მუნიციპალიტეტის მერიას სტიქიის სალიკვიდაციო სამუშაოების განხორციელების მიზნით, გამოეყოფა შესაბამისი ფინანსური რესურსი და მოხდება საცხოვრებელი სახლების სახურავების სრული და ნაწილობრივი გამოცვლა. აღნიშნულთან დაკავშირებით იმსჯელეს კახეთის სამხარეო ადმინისტრაციაში გამართულ სამუშაო შეხვედრაზე, რომელსაც რეგიონული განვითარებისა და ინფრასტრუქტურის მინისტრის მოადგილე, ილია ბეგიაშვილი, კახეთის მხარეში სახელმწიფო რწმუნებული, ირაკლი ქადაგიშვილი, რწმუნებულის მოადგილეები და თელავის მუნიციპალიტეტის მერი, შოთა ნარეკლიშვილი ესწრებოდნენ“, - ნათქვამია გავრცელებულ ინფორმაციაში.

კახა გოგოლაშვილი - ევროკავშირის მედიაცია გახდა ინსტრუმენტი, რომელიც არ არის ერთჯერადი, სანამ კრიზისი არ მოგვარდება, ევროკავშირი ამ პროცესში ჩართული იქნება
ქართული პრესის მიმოხილვა 03.03.2021
ქართული კონსტიტუციის 100 წლისთავთან დაკავშირებით კავკასიის საერთაშორისო უნივერსიტეტი სამეცნიერო კრებულს ამზადებს
იურიდიული პირები პროკრედიტ ბანკში ანგარიშებს დისტანციურად გახსნიან
ევროპის გუნდი: ლიბერთი ბანკისთვის უზრუნველყოფილი დამატებითი დახმარებით, COVID-19-ის კრიზისის დასაძლევად  ევროპის საინვესტიციო ბანკის მიერ მიკრო, მცირე და საშუალო საწარმოების მხარდაჭერა ახალ ეტაპზე გადადის
"მაგნიტის" ყოველდღიური 20%-იანი აქცია უფრო მრავალფეროვანი ხდება
სამომხმარებლო სესხი 3-თვიანი სრული საშეღავათო პერიოდით - ტერაბანკის ახალი აქცია