ინფორმაციას, თითქოსდა ბათუმში სასტუმრო „რედისონში" კორონავირუსით ინფიცირების შემთხვევა დაფიქსირდა, აჭარის ჯანდაცვის სამინისტროში უარყოფენ

გავრცელებულ ინფორმაციას, თითქოსდა ბათუმში სასტუმრო „რედისონში" კორონავირუსით ინფიცირების შემთხვევა დაფიქსირდა, აჭარის ჯანდაცვის სამინისტროში უარყოფენ.

როგორც უწყებაში აცხადებენ, პერიოდულად პრევენციის მიზნით, რისკ-ჯგუფში მყოფი პირების, მათ შორის სასტუმროს თანამშრომელთა თერმოსკრინინგი მიმდინარეობს.

აჭარის ჯანდაცვის სამინისტროს ინფორმაციით, ინფიცირებულთა რაოდენობა არ შეცვლილა და ბათუმის რესპუბლიკურ საავადმყოფოში კვლავ 7 ინფიცირებული მკურნალობს.

ინფორმაციის გადასამოწმებლად "ინტერპრესიუსი" სასტუმროსაც დაუკავშირდა. აღნიშნულს "რედისონის" ადმინისტრაციაშიც უარყოფენ.

ცნობისთვის, სოციალურ ქსელში ვრცელდება ინფორმაცია, რომ სასტუმრო "რედისონში" კორონავირუსით ინფიცირების შემთხვევა დადასტურდა. სოციალური ქსელის მომხმარებლები წერენ, რომ ვირუსი უცხო ქვეყნის მოქალაქეს დაუდგინდა.

ინფორმაციისთვის, ბოლო მონაცემებით, რომელიც სპეციალურად შექმნილ ვებ გვერდზე, stopcov.ge-ზე არის განთავსებული ქვეყანაში კორონავირუსით ინფიცირების 1028 შემთხვევა ფიქსირდება. მათგან 899 პაციენტი გამოჯანმრთელდა. საქართველოში ვირუსით გარდაიცვალა 15 ადამიანი.

ვიქტორ ყიფიანი - როგორიც არ უნდა იყოს რეგიონალური თუ საერთაშორისო კონიუქტურა, რისკების ასაცილებლად და შესაძლებლობების გამოსაყენებლად გზები დამოუკიდებლად უნდა ვეძებოთ
ქართული პრესის მიმოხილვა 07.08.2020
იგორ ტიშკევიჩი - უახლოესი 3-4 წელი მოსკოვის აგრესიული პოლიტიკის გამო პოსტსაბჭოთა ქვეყნებისთვის მშვიდობიანი ვერ იქნება
სიახლე ლიბერთის CASH-IN ბანკომატებში: უნიკალური სერვისი - „ვალუტის კონვერტაცია უბარათოდ“ უკვე ხელმისაწვდომია
ქართულმა ფარმაცევტულმა საწარმო „ავერსი-რაციონალმა“ საერთაშორისო აღიარება კიდევ ერთხელ მოიპოვა
ბიზნეს და საჯარო მონაცემების პირველი ერთიანი პლატფორმა საქართველოში
როგორ გაუზომავენ სიცხეს მოსწავლეთა ერთდროულ ნაკადს?
ბარათიდან თანხის განაღდების ახალი სერვისი ლიბერთის მომხმარებლისთვის „ნიკორა სუპერმარკეტის“ ქსელში
ახალი Galaxy Note 20 და Note 20 Ultra წინასწარი შეკვეთა დაიწყო