საქართველოში კორონავირუსის 11 ახალი დადასტურებული შემთხვევიდან, სამი გარდაბნის მუნიციპალიტეტში დაფიქსირდა. როგორც ,,ინტერპრესნიუსს“ გარდაბანის მუნიციპალიტეტის მერმა რამაზ ბუდაღაშვილმა განუცხადა, სამი ახალი დადასტურებული შემთხვევა, სოფელ ლელაშხაში კოვიდინფიცირებული 74 წლის ქალის ახლო კონტაქტია.
„მეორე კვირაა ისინი საკარანტინე სივრცეში იმყოფებოდნენ, ჩაუტარდათ ტესტირება და კორონავირუსი დაუდასტურდათ“, - განაცხადა ,,ინტერპრესნიუსთან“ საუბარში რამაზ ბუდაღაშვილმა.
გარდაბნის მუნიციპალიტეტის სოფელ ლელაშხაში 74 წლის ქალს კორონავირუსი 9 ივლისს დაუდასტურდა, პი-სი-არ ტესტირების შედეგად, კოვიდინფიცირებული აღმოჩნდა მისი 18 წლის შვილიშვილიც, რომელიც აბიტურიენტია.