აშშ-ში ერთ დღე-ღამეში კორონავირუსის 60 000-მდე ახალი შემთხვევა გამოვლინდა და დაინფიცირებულთა საერთო რაოდენობამ 3 762 081-ს მიაღწია. შესაბამის მონაცემებს სააგენტო „როიტერი“ ჯონ ჰოპკინსის უნივერსიტეტზე დაყრდნობით ავრცელებს. ამავე ინსტიტუტის მონაცემებით, კორონავირუსით გარდაცვლილთა რიცხვმა აშშ-ში 140 474 -ს მიაღწია.
ფლორიდის შტატში, ბოლო დღე-ღამეში 12 478 ახალი შემთხვევა გამოვლინდა. ფლორიდაში ჯამში 350 000-ზე მეტ ადამიანს აღმოაჩნდა კორონავირუსი, მათგან 5 000-მდე პაციენტი გარდაიცვალა.
ცნობისთვის, როგორც გარდაცვლილთა, ისე კოვიდინფიცირებულთა მაჩვენებლით, აშშ მსოფლიოში პირველ ადგილზეა.