ინდოეთში, გასული 24 საათის განმავლობაში, კორონავირუსის 40 425 ახალი შემთხვევა დადასტურდა, რაც პანდემიის გავრცელების დროიდან, რეკორდულად მაღალი დღიური მაჩვენებელია ქვეყნისთვის, - შესაბამის მონაცემებს ქვეყნის ჯანდაცვის სამინისტრო ავრცელებს. ამავე მონაცემების თანახმად, ინდოეთში კორონავირუსით ინფიცირებულების საერთო რაოდენობა 1 118 043-მდე გაიზარდა.

რაც შეეხება ფატალურ შემთხვევებს, გასული დღე-ღამის განმავლობაში „კოვიდ 19“-ს ქვეყანაში კიდევ 681 ადამიანის სიცოცხლე ემსხვერპლა და დაღუპულთა რიცხვმა 27 497-ს მიაღწია. ცნობისათვის, კოვიდინფიცირებულების რაოდენობით ინდოეთი მესამე ადგილზე დგას მსოფლიოში აშშ-სა და რუსეთის შემდეგ.