დასუფთავების სამსახურის თანამშრომლებისთვის აჭარაში ტრენინგები დაიწყო

აჭარის ტურიზმის დეპარტამენტმა ბათუმში ტრენინგები დაიწყო, რომლებიც განთავსების ობიექტებში სტუმრების უსაფრთხოებას, ჰიგიენის დაცვასა და კოვიდ სტანდარტების გათვალისწინებით სასტუმროს დასუფთავებას ეხება.

როგორც „ინტერპრესნიუსს“ აჭარის ტურიზმისა და კურორტების დეპარტამენტიდან აცნობეს, ტრენინგები ბათუმში 26 ივლისამდე ჩატარდება.

„ორკვირიან თეორიულ-პრაქტიკულ ტრენინგებზე მონაწილეები გადიან პრაქტიკულ სწავლებას ისეთ მნიშვნელოვან თემებზე, როგორებიცაა კოვიდ სტანდარტების დაცვით სასტუმრო ნომრებისა და სხვა სივრცეების დასუფთავება, შრომითი უსაფრთხოება, სტუმართან სწორი კომუნიკაცია, სხვადასხვა ტიპის ქსოვილების, ზედაპირების რეცხვა-დასუფთავების სპეციფიკა და დასუფთავების სამსახურის როლი სასტუმროში.

ტრენინგებს რეგიონში არსებული განთავსების ობიექტების დასუფთავების სამსახურების თანამშრომლები ესწრებიან. აჭარის ტურიზმის დეპარტამენტის მიერ ჩატარებული სხვა ტრენინგ-სემინარების მსგავსად აღნიშნული ტრენინგიც უფასოა და ბათუმის შემდეგ ის ქობულეთში ჩატარდება.

აჭარის ტურიზმის დეპარტამენტმა, ბოლო წლებში რეგიონში 3000-ზე მეტი ტურისტული სერვისის მიმწოდებლისთვის ჩაატარა ტრენინგები. გასულ წელს, ამ მიმართულებით არაერთი საჯარო ლექცია, სემინარი და თეორიულ-პრაქტიკული ტრენინგი გაიმართა, მათ შორის მთიანაჭარაში არსებული საოჯახო-სასტუმრო სახლებისა და მარნების წარმომადგენლებისთვის“, - ნათქვამია აჭარის ტურიზმისა და კურორტების დეპარტამენტის მიერ გავრცელებულ ინფორმაციაში.

დიმიტრი შველიძე -  ხელისუფლების მთავარი თავის ტკივილი „ნაცმოძრაობაა“,  ამ ფონზე, მისთვის შეიძლება უფრო მისაღები იყოს „ევროპული საქართველო“
ქართული პრესის მიმოხილვა 12.08.2020
სევრის ხელშეკრულების 100 წლისთავი
ამერიკული სტეიკების ფესტივალი ბათუმში
“დიდი სიყვარულის დასაწყისი” - Wolt ქუთაისშია!
„მოედანი“ - პროექტი, რომელიც ავლაბარს ახალ სიცოცხლეს შესძენს
ამერიკული სტეიკის მასტერკლასი ბათუმში