ირაკლი შენგელია - „ქართულმა ოცნებამ“ დღეს ამომრჩევლებს წარუდგინა სტაბილური პოლიტიკური გამოცდილების და განვითარებაზე ორიენტირებული ძლიერი გუნდი

ქუთაისის საკრებულოს თავმჯდომარის მოვალეობის შემსრულებლის, ირაკლი შენგელიას განცხადებით, პარტია „ქართულმა ოცნებამ“ 2020 წლის საპარლამენტო არჩევნებისთვის წარდგენილი დეპუტატობის კანდიდატებით კიდევ ერთხელ დაანახა საზოგადოებას, თუ რაოდენ მნიშვნელოვანია ხელისუფლებისთვის, პოლიტიკური პოლარიზების პირობებში, არსებული საარჩევნო მოდელის შესაბამისად უპასუხოს მოქალაქეების მოთხოვნებს.

ამის შესახებ ინფორმაციას ქუთაისის მერია ავრცელებს.

ირაკლი შენგელია ქუთაისის მაჟორიტარობის კანდიდატს ზაზა ლომინაძეს წარმატებებს უსურვებს და აცხადებს, რომ მოქალაქეების მისი ჩართულობა ქუთაისის მუნიციპალიტეტის საკრებულოს საქმიანობაში კარგად ახსოვთ.

„ქართულმა ოცნებამ“ დღეს ამომრჩევლებს წარუდგინა სტაბილური პოლიტიკური გამოცდილების და განვითარებაზე ორიენტირებული ძლიერი გუნდი. მინდა, პირველ რიგში, წარმატება ვუსურვო ქუთაისის მაჟორიტარობის კანდიდატს, ბატონ ზაზა ლომინაძეს. გარდა იმისა, რომ ის გახლავთ პრაქტიკოსი ექიმი, მას აქვს პოლიტიკურ პროცესებში მონაწილეობის დიდი გამოცდილება. ჩვენს თანამოქალაქეებს კარგად ახსოვთ მისი ჩართულობა ქუთაისის მუნიციპალიტეტის საკრებულოს საქმიანობაში.

დღეს, ჩვენი ქალაქის პრიორიტეტია განვითარება, მოქალაქეების კეთილდღეობა, განათლების და დასაქმების ხელშეწყობა, ძლიერი რეგიონული პოლიტიკა და დეცენტრალიზაციის პირობებში დემოკრატიული პროცესების გამყარება, ამასთან, სოციალური პოლიტიკის აღებული კურსის განმტკიცება, პირველადი ჯანდაცვის ეფექტური განვითარების და მოწყვლადი ჯგუფებისთვის სამედიცინო სერვისების ხელმისაწვდომობის გაზრდის გზით. ჩვენი გუნდი მზადაა უპასუხოს ამ გამოწვევებს და გააძლიეროს ქალაქის წარმომადგენლობა როგორც ცენტრალურ, ასევე ადგილობრივ დონეზე“,- განაცხადა შენგელიამ.

რამაზ საყვარელიძე - თუ „ქოც/ნაცებმა“ მიაღწიეს საწადელს, ისევ დატოვეს ამომრჩეველი ორ პოლუსს შორის, მაშინ არაფერი შეიცვლება, ამ კინოსაც ის დასასრული ექნება, რაც ადრინდელ კინოებს ჰქონდათ
ქართული პრესის მიმოხილვა 23.09.2021
დიმიტრი შველიძე - ახლა პოლიტიკური ელიტა იდეებისაგან დაცლილია, ფულის ფაქტორი გადამწყვეტია, სოციალური პოლარიზაცია უძლეველია და კაცმა არ იცის, ელექტორატის უმრავლესობა ვის უჭერს მხარს
საქართველოს უნივერსიტეტი ვაქცინაციის პროცესში ჩაერთო
შპს „ლუკოილ-ჯორჯიამ“ კომპანია „უნიგრუპის“ წინააღმდეგ სასამართლოში სარჩელი შეიტანა
„კასტელო მარე“ ზაფხულის წარმატებული სეზონის შემდეგ საშემოდგომო სეზონისთვის ემზადება
„უმალი“ გაყინული თევზის ბაზარზე შესვლას გეგმავს