ნინო ლომჯარია კელი დეგნანს შეხვდა

საქართველოს სახალხო დამცველი ნინო ლომჯარია ამერიკის შეერთებული შტატების ელჩს საქართველოში, კელი დეგნანს შეხვდა.

„ელჩს გადავუხადე მადლობა მისი პოზიტიური როლის გამო საქართველოს პოლიტიკური პროცესების, სტაბილურობის, ადამიანის უფლებების დაცვის და დემოკრატიული რეფორმების მხარდაჭერისათვის. ვისაუბრეთ ქვეყანაში ადამიანის უფლებების მდგომარეობაზე, წინასაარჩევნო პროცესებზე, სასამართლო სისტემაში არსებულ გამოწვევებზე, მედიაგარემოზე. ელჩი განსაკუთრებით დაინტერესდა ხომ არ აწყდება სახალხო დამცველის ინსტიტუტი რაიმე ბარიერებსა თუ გამოწვევებს, თავისი საქმიანობის შესრულების პროცესში“, - განაცხადა სახალხო დამცველმა შეხვედრის დასრულების შემდეგ.

ელჩმა კელი დეგნანმა დემოკრატიული საზოგადოების მშენებლობაში სახალხო დამცველის ინსტიტუტის მნიშვნელოვან როლზე ისაუბრა, ხაზი გაუსვა მონიტორინგისა და საზოგადოების ინფორმირების თვალსაზრისით მიმდინარე საქმიანობას და მზაობა გამოხატა სახალხო დამცველის აპარატის, ასევე ქვეყანაში დემოკრატიული პროცესების განვითარებისა და ადამიანის უფლებების მხარდასაჭერად.

ინფორმაციას სახალხო დამცველის აპარატი ავრცელებს.

დიმიტრი შველიძე - ახლა პოლიტიკური ელიტა იდეებისაგან დაცლილია, ფულის ფაქტორი გადამწყვეტია, სოციალური პოლარიზაცია უძლეველია და კაცმა არ იცის, ელექტორატის უმრავლესობა ვის უჭერს მხარს
ქართული პრესის მიმოხილვა 22.09.2021
თენგიზ ფხალაძე - საშიშ ფაზაში ვიმყოფებით, მსოფლიოში მიმდინარე პროცესები ყურადღების მიღმა გვრჩება, ყველაფერს ვაკეთებთ სახელმწიფოს ჩამოსაშლელად, მოწინააღმდეგეს მხოლოდ ისღა რჩება, რომ ამ პროცესში ხელი არ შეგვიშალოს
„კასტელო მარე“ ზაფხულის წარმატებული სეზონის შემდეგ საშემოდგომო სეზონისთვის ემზადება
„უმალი“ გაყინული თევზის ბაზარზე შესვლას გეგმავს
დიდი ფასდაკლება შერჩეულ პროდუქციაზე - სექტემბრის ტოპ შეთავაზება „მიჰაუსისგან“
კომპანია “ლისი რეკრეაცია” ლისის ტბასთან დაკავშირებით ინფორმაციას ავრცელებს