საქართველოში კორონავირუსის 24 ახალი დადასტურებული შემთხვევიდან, 10 გარდაბნის მუნიციპალიტეტის სოფლებში დაფიქსირდა.
როგორც ,,ინტერპრესნიუსთან“ საუბარში გარდაბნის მუნიციპალიტეტის მერმა რამაზ ბუდაღაშვილმა განაცხადა, გაჩიანის დასახლების სოფლებში ეპიდემიოლოგებმა მუშაობა დილიდან განაახლეს.
,,ბოლო 24 საათში, 10 ახალი დადასტურებული შემთხვევა გვაქვს გარდაბნის მუნიციპალიტეტში, აქედან ერთი სოფელ ბირლიკში დაფიქსირდა, ორი აღთაკლიაში და 7 ყარათაკლიაში. ადგილზე ამ დროისათვის ეპიდემიოლოგთა სამი ჯგუფი მუშაობს და მიმდინარეობს მოსახლეობიდან „პისიარ“ ტესტირებისთვის ბიოლოგიური მასალის აღება. გუშინ ლუგარის ლაბორატორიაში 344 პირის საკვლევი მასალა გადაიგზავნა, ამ დროისთვის ცნობილია 181-ის პასუხი და კორონავირუსზე დადებითი სამია, დანარჩენი 7 დასატურებული შემთხევა გუშინწინ გადაგზავნილი 75 პირის პი-სი-არ ტესტირების შედეგად გამოვლინდა“, - განაცხადა ,,ინტერპრესნიუსთან“ საუბარში გარდაბნის მუნიციპალიტეტის მერმა რამაზ ბუდაღაშვილმა.