ცაგერში, მწვანე თეატრიდან მურის ციხესთან მისასვლელი ბილიკების მოწყობა მიმდინარეობს

ცაგერის მუნიციპალიტეტში მწვანე თეატრიდან მურის ციხესთან მისასვლელი ბილიკებისა და კიბეების მოწყობა მიმდინარეობს. როგორც „ინტერპრესნიუსს“ რაჭა-ლეჩხუმისა და ქვემო სვანეთის სამხარეო ადმინისტრაციის პრესსამსახურიდან აცნობეს, პროექტი, რომლის ღირებულება 419 180 ლარს შეადგენს, მიმდინარე წლის 26 ნოემბერს დასრულდება.

მათი ინფორმაციით, სხვადასხვა ინფრასტრუქტურული პროექტების მიმდინარეობას მხარის რწმუნებული არჩილ ჯაფარიძე, რწმუნებულის პირველ მოადგილესთან დავით ღუდუმიძესთან და ცაგერის საკრებულოს თავმჯდომარესთან გიორგი გუგავასთან ერთად გაეცნო.

„სოფელ ლასურიაშში ჭაბურღილისა და წყალსადენი მილების რეაბილიტაციაც მიმდინარეობს. პროექტის ღირებულება 148 256 ლარია. შემსრულებელი შპს" კაპიტალ გრუპ"-ია და სამუშაოები 28 ოქტომბერს დასრულდება.

აგრეთვე, ლასურიაშში და დეხვირში ხელოვნურსაფარიანი სპორტული მოედნების მოწყობა მიმდინარეობს, რომლის ღირებულება 110 500 ლარია. შემსრულებელი შპს "თეგიკა უნივერსალია" და პროექტი 1 აგვისტომდე დასრულდება“,- აღნიშნულია ინფორმაციაში.

მამუკა ხაზარაძე - ცვლილებების დროა! ხელისუფლება, რომელიც ემსახურება რუსეთს, უნდა დასრულდეს! „ლელო“ ემსახურება საქართველოს!
ემილ ავდალიანი - არაბული ქვეყნებისთვის და ირანისთვის ახლო აღმოსავლეთის რეგიონთან ჩინეთის ურთიერთობის სუფთა წარსული მეტად მიმზიდველია
ქართული პრესის მიმოხილვა 28.03.2024
საქართველოს თავდაცვის დილემა - რთული არჩევანი რთულ ვითარებაში
ამერიკული სამედიცინო ჰოლდინგი - CooperSurgical-ი საქართველოში ოვამედის ორგანიზებით სამდღიან სემინარს მართავს