„ჭიათურის აკაკი წერეთლის სახელობის დრამატულმა თეატრმა“ პანდემიის პირობებში შეწყვეტილი სპექტაკლები განაახლა და მაყურებელს ღია ცის ქვეშ ეზოში უმასპინძლა. ამის შესახებ „ინტერპრესნიუსს“ „ჯორჯიან მანგანეზიდან“ აცნობეს.

მათი ინფორმაციით, თეატრალიზირებული საღამო დაახლოებით 2 საათის განმავლობაში გაგრძელდა.

„ჯორჯიან მანგანეზის“ მხარდაჭერით თეატრის ეზოს კედელი მოიხატა და ღია სივრცის კეთილმოწყობისთვის საჭირო ინვენტარის უზრუნველყოფა მოხდა.

სასიამოვნო გარემოში თეატრის მსახიობებმა და მოწვეულმა სტუმრებმა მაყურებლებს სხვადასხვა სახის პერფორმანსი ორიგინალურად შესთავაზეს. სცენაზე მაყურებლის წინაშე ჭიათურის დრამატული თეატრის მსახიობების გარდა, პოეზიის საღამოთი მსახიობი მაკა შალიკაშვილი და სიმღერების კრებულით „კვარტეტი ჭიათურა“ წარდგა.

„ჯორჯიან მანგანეზი“ მსგავსი ღონისძიებების მხარდაჭერას მომავალშიც გააგრძელებს“,- ნათქვამია ინფორმაციაში.