შინაგან საქმეთა სამინისტროს განცხადებით, თუშეთთან დამაკავშირებელი, ფშაველი - აბანო - ომალოს საავტომობილო გზის 36-40 კმ-ზე, რამდენიმე ადგილას გზა ჩამოიშალა. უწყების ცნობით, გზა ორივე მიმართულებით დაკეტილია.

„შინაგან საქმეთა სამინისტროს საპატრულო პოლიციის დეპარტამენტი გაცნობებთ, რომ ძლიერი წვიმისა და უამინდობის გამო, თუშეთთან დამაკავშირებელი, ფშაველი - აბანო - ომალოს საავტომობილო გზის 36-40 კმ-ზე, რამდენიმე ადგილას ჩამოიშალა გზა.

ამჟამად, კახეთის პოლიციის დეპარტამენტის თანამშრომლების მიერ საავტომობილო გზა დაკეტილია ორივე მიმართულებით“, - აღნიშნულია განცხადებაში.