ბათუმში ახალგაზრდებმა მდუმარე აქცია გამართეს. მათი თქმით, ისინი ქვეყანაში ბოლო პერიოდში გახშირებულ კრიმინალური ფაქტებს აპროტესტებენ.
როგორც აქციის მონაწილეებმა აღნიშნეს, თითოეული ფაქტი საგამოძიებო ორგანომ დეტალურად უნდა შეისწავლოს და დამნაშავეები დასაჯოს.
აქციის მონაწილეებს მიაჩნიათ, რომ ხელისუფლება ხალხს კრიმინალებისგან ვერ იცავს.
"სისტემამ კი არ უნდა მოკლას ბავშვები ან ხელი დააფაროს, არამედ გამოიძიოს დაიცვას და დასაჯოს დამნაშავეები. მანკიერი სისტემა უნდა დაინგრეს და უნდა იყოს ისეთი სისტემები, რომლებიც დაიცავს ხალხს. ეს მდუმარე აქცია სწორედ იმ გახშირებულ ფაქტებს ეძღვნება, რომელიც ბოლო პერიოდში ხდება", - განაცხადა აქციის მონაწილე მზია ქედელიძემ.