შსს-ში შაქარაშვილის საქმეზე ვახტანგ ახვლედიანი გამოიკითხა
შინაგან საქმეთა სამინისტროში ფეხბურთელ გიორგი შაქარაშვილის საქმის ერთ-ერთი მოწმის ვახტანგ ახვლედიანის გამოკითხვა დასრულდა.
როგორც ჟურნალისტებს მისმა ადვოკატმა კახა წერეთელმა განუცხადა, დაისვა დამატებითი შეკითხვები, გარკვეული გარემოებები კი დაზუსტდა.
"ხვდებით, ალბათ, რა საქმესთან დაკავშირებითაც იყო გამოკითხვა. დაისვა დამატებითი შეკითხვები, გარკვეული გარემოებები დაზუსტდა. არ დავასახელებ კონკრეტულ გარემოებებს, რაზეც იყო საუბარი, თუმცა ვადასტურებ, რომ ჩემი დაცვის ქვეშ მყოფი ვახტანგ ახვლედიანი დამატებით გამოკითხვაზე იყო დაბარებული და მან მისცა განმარტება იმ დეტალებთან დაკავშირებით, რაც აინტერესებდა გამოძიებას",- განაცხადა წერეთელმა.
ვახტანგ ახვლედიანი გამოკითხვაზე 6 საათზე მეტ ხანს იმყოფებოდა.
