საქართველოში კორონავირუსის 12 ახალი დადასტურებული შემთხვევიდან, 2 გარდაბნის მუნიციპალიტეტში, გაჩიანის დასახლებაში დაფიქსირდა. დილიდან სამივე სოფელში ეპიდემიოლოგები მუშაობენ, შესასვლელებსა და გასავლელებში, პოსტებია მოწყობილი და ადგილობრივებს თერმოსკრინინგი უტარდებათ. როგორც ,,ინტერპრესნიუსს“ გარდაბნის მუნიციპალიტეტის მერმა რამაზ ბუდაღაშვილმა განუცხადა, გუშინ აღებული 200-მდე საკვლევი მასალის პასუხები სრულად დღის ბოლოს გახდება ცნობილი, ჯამში კი „პი-სი-არ“ ტესტირება 800-მდე პირს ჩაუტარდა.

გარდაბნის მუნიციპალიტეტში კორონავირუსით ინფიცირებულების საერთო რაოდენობა ამ დროისთვის 36-ია.