სოფო კილაძე „ქართული ოცნების“ სიაში თემურ აბაზოვის შესაძლო ჩასმაზე - თუ იქნება გადაწყვეტილება გუნდში, ამაში ცინიკური და ცუდი არაფერია

ადამიანის უფლებათა კომიტეტის თავმჯდომარის, სოფო კილაძის განცხადებით, არ აქვს ინფორმაცია, იქნება თემურ აბაზოვითუ არა "ქართული ოცნების" სიაში. თუმცა, თუ გუნდი ამას გადაწყვეტს, კილაძე პრობლემას ვერ ხედავს.

დეპუტატი ოპოზიციას ურჩევს "ქართულ ოცნებაზე" ნუ იზრუნებენ და აცხადებს, რომ გუნდი დამაზიანებელ გადაწყვეტილებებს არ მიიღებს.

"არაადამიანური და დამამცირებელი მოპყრობა არის ყველანაირად მიუღებელი. თუმცა, მე რამდენადაც ვიცი, იყო სასამართლო ამასთან დაკავშირებით და დასრულდა პროცესი ამ პირის გათავისუფლებით. მესმის ოპონენტების ცინიკური დამოკიდებულება, მათ სხვანაირად არ შეუძლიათ, მაგრამ არის სასამართლოს გამამართლებელი განაჩენი, ამ შემთხვევაში პირი უკვე თავისუფალია. მე არ ვიცი ამის შესახებ, მაგრამ თუ იქნება გადაწყვეტილება გუნდში, ამაში ცინიკური და ცუდი არაფერია. ოპონენტები თუ "ქართული ოცნების" რეპუტაციაზე ზრუნავენ - ვნახავთ არჩევნებში, რამდენად არის "ქართული ოცნების" გუნდისთგის კონკრეტული ადამიანის საპარლამენტო სიაში ჩასმა დამაზიანებელი, მე ესე არ ვფიქრობ. თუმცა, ოპონენტები ნუ იზრუნებენ "ქართულ ოცნებაზე", ვიცით ისედაც არ ზრუნავენ, ყველა გადაწყვეტილება იქნება გუნდის სასიკეთოდ, ჩვენ ჩვენი გუნდის საზიანოდ არაფერს გავაკეთებთ,"- განაცხადა კილაძემ.

ცნობისთვის, მარნეულის ყოფილი მერი თემურ აბაზოვი აცხადებს, რომ პარტია „ქართული ოცნება-დემოკრატიული საქართველოს“ პროპორციულ სიაში იქნება. რომელ ნომრად იქნება სიაში აბაზოვი ჯერ გადაწყვეტილი არაა. მარნეულის ყოფილი მერი თემურ აბაზოვი 2018 წლის 13 ივნისს დააკავეს. გამოძიება მას ელჩინ ალახვერდიევის მიმართ არაადამიანურ და დამამცირებელ მოპყრობას ედავებოდა. რუსთავის საქალაქო სასამართლომ მარნეულის ყოფილი მერის თემურ აბაზოვის მიმართ აღნიშნულ საქმეზე გამამართლებელი განაჩენი გამოიტანა. 2019 წლის თებერვალში თემურ აბაზოვმა მარნეულის მერის თანამდებობა დატოვა.

კახა გოგოლაშვილი - ევროკავშირის მედიაცია გახდა ინსტრუმენტი, რომელიც არ არის ერთჯერადი, სანამ კრიზისი არ მოგვარდება, ევროკავშირი ამ პროცესში ჩართული იქნება
ქართული პრესის მიმოხილვა 03.03.2021
ქართული კონსტიტუციის 100 წლისთავთან დაკავშირებით კავკასიის საერთაშორისო უნივერსიტეტი სამეცნიერო კრებულს ამზადებს
იურიდიული პირები პროკრედიტ ბანკში ანგარიშებს დისტანციურად გახსნიან
ევროპის გუნდი: ლიბერთი ბანკისთვის უზრუნველყოფილი დამატებითი დახმარებით, COVID-19-ის კრიზისის დასაძლევად  ევროპის საინვესტიციო ბანკის მიერ მიკრო, მცირე და საშუალო საწარმოების მხარდაჭერა ახალ ეტაპზე გადადის
"მაგნიტის" ყოველდღიური 20%-იანი აქცია უფრო მრავალფეროვანი ხდება
სამომხმარებლო სესხი 3-თვიანი სრული საშეღავათო პერიოდით - ტერაბანკის ახალი აქცია