უსკო-ს წევრობის კანდიდატებს კომიტეტის სხდომაზე მოუსმინეს

აჭარის უმაღლესი საბჭოს საკონსტიტუციო, იურიდიულ და საპროცედურო საკითხთა კომიტეტის სხდომაზე, აჭარის მთავრობის თავმჯდომარის მიერ შერჩეულ აჭარის ავტონომიური რესპუბლიკის უმაღლესი საარჩევნო კომისიის (უსკო) წევრობის კანდიდატებს მოუსმინეს.

ამის შესახებ „ინტერპრესნიუსს“ აჭარის ავტონომიური რესპუბლიკის უმაღლესი საბჭოდან აცნობეს.

მათი ინფორმაციით, უსკო-ს წევრის ზურაბ გოლიაძის უფლებამოსილების ვადის გასვლის გამო აჭარის უმაღლესი საარჩევნო კომისიის წევრის თანამდებობაზე ასარჩევად წარმოდგენილი რამაზ ბოლქვაძე სხდომაზე არ გამოცხადებულა, რაც შეეხება ირაკლი გვარჯალაძის კანდიდატურას, მასთან დაკავშირებით შესაბამისი რეკომენდაციის გაცემას მხარი კომიტეტის 3-მა წევრმა დაუჭირა, ერთმა კი კენჭისყრაში მონაწილეობა არ მიიღო.

„კომიტეტის გადაწყვეტილებით, უსკო-ს წევრის რამაზ გოლომანიძის უფლებამოსილების ვადის გასვლის გამო აჭარის ავტონომიური რესპუბლიკის უმაღლესი საარჩევნო კომისიის წევრის თანამდებობაზე ასარჩევად წარმოდგენილი მარიამ გუგუნავას და სოფიო დიასამიძის კანდიდატურებთან დაკავშირებით შესაბამისი რეკომენდაციის გაცემას, ორივე შემთხვევაში, კომიტეტის 4-მა წევრმა დაუჭირა მხარი.

4 -4 ხმით კანონმდებლებმა ანალოგიური გადაწყვეტილება მიიღეს უმაღლესი საარჩევნო კომისიის წევრის თორნიკე მჟავანაძის უფლებამოსილების ვადის გასვლის გამო უსკო-ს წევრის თანამდებობაზე ასარჩევად წარმოდგენილი ნოდარ მელაძისა და დავით ფარტენაძის კანდიდატურებთან დაკავშირებითაც.

კომიტეტმა, ამავე სხდომაზე, უმაღლესი საარჩევნო კომისიის წევრების ფარული კენჭისყრით არჩევის მიზნით, უმაღლესი საბჭოს რეგლამენტის შესაბამისად, განსაზღვრა კენჭისყრის ადგილი, ბიულეტენის ფორმა და დაადგინა მისი შევსების წესი. საკითხი საკონსტიტუციო, იურიდიულ და საპროცედურო საკითხთა კომიტეტის თავმჯდომარემ, ნინო ჩხეტიამ წარმოადგინა“, - აღნიშნულია ინფორმაციაში.

კახა გოგოლაშვილი - ევროკავშირის მედიაცია გახდა ინსტრუმენტი, რომელიც არ არის ერთჯერადი, სანამ კრიზისი არ მოგვარდება, ევროკავშირი ამ პროცესში ჩართული იქნება
ქართული პრესის მიმოხილვა 01.03.2021
თენგიზ ფხალაძე  - შიდაპოლიტიკურმა შუღლმა საერთო ეროვნული მეორე პლანზე გადაწია, ერთმანეთთან ძიძგილაობაში გართულები სულ უფრო ვემსგავსებით აისბერგისკენ ჯიუტად მიმავალ ტიტანიკს
ქართული კონსტიტუციის 100 წლისთავთან დაკავშირებით კავკასიის საერთაშორისო უნივერსიტეტი სამეცნიერო კრებულს ამზადებს
ევროპის გუნდი: ლიბერთი ბანკისთვის უზრუნველყოფილი დამატებითი დახმარებით, COVID-19-ის კრიზისის დასაძლევად  ევროპის საინვესტიციო ბანკის მიერ მიკრო, მცირე და საშუალო საწარმოების მხარდაჭერა ახალ ეტაპზე გადადის
"მაგნიტის" ყოველდღიური 20%-იანი აქცია უფრო მრავალფეროვანი ხდება
სამომხმარებლო სესხი 3-თვიანი სრული საშეღავათო პერიოდით - ტერაბანკის ახალი აქცია
ბაკურიანში საერთაშორისო სათხილამურო ფედერაციის ეგიდით მსოფლიო თასის ეტაპი სკი კროსში დასრულდა