ჩაქვი-ბათუმის დამაკავშირებელ ცენტრალურ საავტომობილო გზაზე, ავტოსაგზაო შემთხვევის შედეგად ოთხი ადამიანი დაშავდა. ერთი ადამიანი სასწრაფო- სამედიცინო დახმარების ბრიგადამ კლინიკაში გადაიყვანა, ხოლო სამ დაშავებულს პირველადი დახმარება ადგილზე გაეწია. ავტოსაგზაო შემთხვევისას ერთმანეთს ორი მიკროავტობუსი შეეჯახა, სატრანსპორტო მოძრაობა აღნიშნულ მონაკვეთზე დროებით შეზღუდულია.
ფაქტზე საქართველოს შინაგან საქმეთა სამინისტრომ გამოძიება სსკ-ის 276 მუხლის მეორე ნაწილით დაიწყო, რაც ტრანსპორტის მოძრაობისა და უსაფრთხოების წესების დარღვევას გულისხმობს, რამაც ჯანმრთელობის დაზიანება გამოიწვია.