არჩილ თალაკვაძე - ერთი სააგენტოს უსაფუძვლო ინფორმაციაზე სახელმწიფოები კომენტარებს ვერ გავაკეთებთ და ვერანაირ შეშფოთებასაც ვერ გამოვხატავთ

ერთი რომელიმე სააგენტოს უსაფუძვლო ინფორმაციაზე ჩვენ, სახელმწიფოები კომენტარებს ვერ გავაკეთებთ და ვერანაირ შეშფოთებასაც ვერ გამოვხატავთ, - ასე შეაფასა საქართველოს პარლამენტის თავმჯდომარემ არჩილ თალაკვაძემ აზერბაიჯანული გამოცემის მიერ გავრცელებული ინფორმაცია იმის შესახებ, რომ საქართველოს გავლით სომხეთში აზერბაიჯანის წინააღმდეგ განკუთვნილი ნაღმტყორცნები ჩაიტანეს.

თალაკვაძის თქმით, საქართველოს თავის სტრატეგიულ პარტნიორებთან კარგი ურთიერთობა აქვს და ეს ურთიერთობები მომავალშიც შეუფერხებლად გაგრძელდება.

„ეს არის ერთი კონკრეტული მედიასაშუალების ვერსია, რომელსაც არავითარი საფუძველი არ გააჩნია. ჩვენ ჩვენს მეზობლებთან, სტრატეგიულ პარტნიორებთან გვაქვს კარგი ურთიერთობა და ასევე რასაკვირველია, ეს მომავალშიც იქნება ჩვენთვის პრიორიტეტი, რათა ეს ურთიერთობები შეუფერხებლად გაგრძელდეს. არავითარი საფუძველი ამ ინფორმაციას არ აქვს და გარწმუნებთ, რომ წუხილები საქართველოსა და აზერბაიჯანის ურთიერთობებში არ შეიძლება იყოს“, - განაცხადა არჩილ თალაკვაძემ.

შეგახსენებთ, აზერბაიჯანული გამოცემის ინფორმაციით, საქართველოს გავლით სომხეთში აზერბაიჯანის წინააღმდეგ განკუთვნილი ნაღმმტყორცნები ჩაიტანეს.

ლილია შევცოვა - თუ აშშ საქართველოდან არ გასულა, ამერიკელები საქართველოში დაუპირისპირდებიან რუსულ გავლენებს, რომლებიც რამდენადაც ვიცი, ქვეყანაში საკმაოდ მრავლადაა
ქართული პრესის მიმოხილვა 22.01.2021
არჩილ მორჩილაძე - ბიუჯეტის ხარჯზე მედიკამენტების ხარჯების ანაზღაურებას სახელმწიფოს მიერ დასაქმებული ადამიანები და მათი ოჯახის წევრები, 250 000-ზე მეტი ადამიანი იღებს, როცა უამრავი სოციალურად დაუცველი ამ დაფარვის მიღმაა დარჩენილი
რა გეგმები აქვს ქუთაისის საერთაშორისო უნივერსიტეტს და რა პროგრამებს სთავაზობს სტუდენტებს? - ინტერვიუ უნივერსიტეტის კანცლერ მაგდა მაღრაძესთან
დეველოპერული კომპანია „ბლოქსი“ ქალაქ ზუგდიდში მულტიფუნქციური სავაჭრო ცენტრის მშენებლობას იწყებს
ევროკავშირის და FAO-ს მხარდაჭერით ქართველი ფერმერები შემოსავლებს და წარმოებას ზრდიან