ახმეტის მერი - პანკისში სიტუაციას სამართალდამცავები აკონტროლებენ, გზის გადაკეტვის მცდელობა არ არის

პანკისის სოფელ დუისში, ქისტებსა და მათ თანასოფლელებს შორის მომხდარ ფიზიკურ დაპირისპირებაზე, ახმეტის მუნიციპალიტეტის სოფელ მატანში შეკრებილი მოქალაქეები მსჯელობენ.

როგორც „ინტერპრესნიუსს“ ახმეტის მუნიციპალიტეტის მერმა იოსებ ქარუმაშვილმა განუცხადა, ახალგაზრდებს შორის გუშინ დაპირისპირება მოხდა, თუმცა მისთვის უცნობია, რა იყო ამის მიზეზი.

იოსებ ქარუმაშვილის თქმით, ადგილზე გზის გადაკეტვის მცდელობა არ არის და სიტუაციას სამართალდამცავები აკონტროლებენ.

„ახმეტის მუნიციპალიტეტის სოფელ მატანში მოსახლეობაა შეკრებილი. მათ აბსოლუტურად არ წამოუყენებიათ არავითარი ულტიმატუმი არც მთავრობისთვის, არც არავისთვის. გზის გადაკეტვის მცდელობა არ არის. გუშინ ახალგაზრდა ბიჭებს შორის დაპირისპირება იყო, თუმცა ახლა მშვიდი სიტუაციაა. რამ გამოიწვია დაპირისპირება ზუსტად არ ვიცი, ვერ გეტყვით.

ამჟამად პანკისის ხეობაში ვიმყოფები და აქ არავითარი შეკრება არ არის, მაგრამ სოფელ მატანთან ახალგაზრდები არიან შეკრებილები და თათბირობენ. დაახლოებით, 100-მდე ადამიანი იქნება. მინდა გითხრათ, რომ ამჟამად ადგილზე სრული სიმშვიდეა. ცენტრალური გზა გადაკეტილი არ არის, ადგილზე მობილიზებულია პოლიციაც“, - აცხადებს იოსებ ქარუმაშვილი.

ალექსანდრე თვალჭრელიძე - არ შემეშინდება გითხრათ, რომ არჩევნების შემდეგ ჩვენ განსხვავებულ პოლიტიკურ სტრუქტურას მივიღებთ
ქართული პრესის მიმოხილვა 27.09.2021
რამაზ საყვარელიძე - თუ „ქოც/ნაცებმა“ მიაღწიეს საწადელს, ისევ დატოვეს ამომრჩეველი ორ პოლუსს შორის, მაშინ არაფერი შეიცვლება, ამ კინოსაც ის დასასრული ექნება, რაც ადრინდელ კინოებს ჰქონდათ
წინანდლის ფესტივალის პრესსამსახური განცხადებას ავრცელებს
ქართველმა მეცნიერებმა და ევროკავშირის დაძმობილების პროექტის ექსპერტებმა "მწვანე გარიგების” პერსპექტივები განიხილეს