აჭარის ავტონომიური რესპუბლიკის უმაღლესი საბჭოს რიგგარეშე სესია გაიმართა

„აჭარის ავტონომიური რესპუბლიკის უმაღლესი საბჭოს არჩევნების შესახებ“ კანონში ცვლილებები 14 ხმით მიღებულია. ამის შესახებ ინფორმაციას აჭარის უმაღლესი საბჭო ავრცელებს.

მათი ინფორმაციით, კანონის პროექტი, რომელიც უმაღლესი საბჭოს რიგგარეშე სესიაზე, საკანონმდებლო ორგანოს წევრმა დავით გაბაიძემ წარმოადგინა, გამარტივებული წესით განიხილეს. მომხსენებლის განცხადებით, კანონის ცვლილება აჭარის კონსტიტუციურ კანონსა და საქართველოს საარჩევნო კოდექსში შეტანილი ცვლილებებითაა განპირობებული.

„კანონმდებლებმა 11 ხმით მიიღეს აჭარის ავტონომიური რესპუბლიკის კანონის პროექტი ,,აჭარის ავტონომიურ რესპუბლიკაში განათლების ხელშეწყობის შესახებ“, რომელიც განათლების, მეცნიერების, კულტურისა და სპორტის საკითხთა კომიტეტის თავმჯდომარემ ლადო მგალობლიშვილმა II მოსმენით წარმოადგინა.

შესვენების შემდეგ აჭარის ავტონომიური რესპუბლიკის უმაღლესი საარჩევნო კომისიის (უსკო) სამ ვაკანტურ პოზიციაზე შერჩეული კანდიდატების ფარული კენჭისყრა გაიმართა და ხმები შემდეგნაირად გადანაწილდა: რამაზ ბოლქვაძე - 1 მომხრე, 14 -წინააღმდეგი, ირაკლი გვარჯალაძე - 13 მომხრე, 2 - წინააღმდეგი, მარიამ გუგუნავა - 15 მომხრე, არც ერთი წინააღმდეგი, სოფიო დიასამიძე - 2 მომხრე, 13 - წინააღმდეგი, ნოდარ მელაძე - 14 მომხრე, 1 წინააღმდეგი, დავით ფარტენაძე - 6 მომხრე, 8 წინააღმდეგი. კენჭისყრისას 6 ბიულეტენი გამოუყენებელი დარჩა.

აჭარის უმაღლესი საარჩევნო კომისიის სამ ვაკანტურ პოზიციაზე 5 წლის ვადით არჩეული ირაკლი გვარჯალაძე, მარიამ გუგუნავა და ნოდარ მელაძე 27 აგვისტოდან შეუდგებიან უფლებამოვალეობის შესრულებას. ისინი უსკო-ში ზურაბ გოლიაძეს, რამაზ გოლომანიძესა და თორნიკე მჟავანაძეს ჩაანაცვლებენ, რომელთაც 26 აგვისტოს ეწურებათ უფლებამოსილების ვადა”, - ნათქვამია ინფორმაციაში.

თენგიზ ფხალაძე - საშიშ ფაზაში ვიმყოფებით, მსოფლიოში მიმდინარე პროცესები ყურადღების მიღმა გვრჩება, ყველაფერს ვაკეთებთ სახელმწიფოს ჩამოსაშლელად, მოწინააღმდეგეს მხოლოდ ისღა რჩება, რომ ამ პროცესში ხელი არ შეგვიშალოს
ქართული პრესის მიმოხილვა 16.09.2021
იოსებ ბარათაშვილი - თუ უმოკლეს ვადებში არ გამოქვეყნდა რა აუცილებლობით კეთდებოდა ფარული ჩანაწერები, ხელისუფლებას მოუწევს პასუხისმგებლობის აღება ძალზე მძიმე ბრალდებაზე
ნიუ ვიჟენ უნივერსიტეტი საზოგადოებას კინემატოგრაფიაში ამერიკულ სამაგისტრო პროგრამას სთავაზობს
კრიპტალი მომხმარებლებს 1 მილიონ შიბა ინუს (ელექტრონული ფული) ჩუქნის
BDO Digital-ი SWIFT-ის ოფიციალური პარტნიორი გახდა
BDO Digital-ი კომპანიებს აქტივების მართვის თანამედროვე გადაწყვეტას სთავაზობს