თამარ ბაჩალიაშვილის ოჯახის ადვოკატი საქმის მასალების გასაცნობად ქვემო ქართლის სამხარეო პოლიციაში იმყოფება

23 წლის თამარ ბაჩალიაშვილის ოჯახის ადვოკატი, მიხეილ რამიშვილი საქმის მასალების გასაცნობად ქვემო ქართლის სამხარეო პოლიციაში იმყოფება.

როგორც მან ჟურნალისტებს პოლიციის შენობაში შესვლამდე განუცხადა, დღეიდან იწყებს მტკიცებულებების გაცნობას და ამის შემდეგ ეცოდინება, თუ რა მოტივაციით მიდის საქმე.

„გუშინდელი განცხადების შედეგად, პროკურატურამ დადგენილება მიიღო, რის შედეგადაც დაზარალებულის უფლებამონაცვლედ არის ცნობილი მამა, ჯუმბერ ბაჩალიაშვილი. შესაბამისად, მოთხოვნილი იყო, რომ საქმის მასალები გაგვეცნო. ჩამოვედი, რომ საქმის მასალების გაცნობა დავიწყო. ამავდროულად 143-ე მუხლს დაემატა 115-ე მუხლი. დღეიდან ვიწყებ გაცნობას მტკიცებულებების, მოწმეების ჩვენებების, ვინც კი დაიკითხა, მეცოდინება რა მტკიცებულებებია, რა მოტივაციით მიდის საქმე“, - განაცხადა ადვოკატმა.

ცნობისთვის, 23 წლის თამარ ბაჩალიაშვილი, რომელსაც სამართალდამცავები ხუთი დღის განმავლობაში ეძებდნენ, 22 ივლისს საკუთარ ავტომობილში გარდაცვლილი იპოვეს.

გიორგი ანთაძე - საქართველომ რეგიონში არსებული სამხედრო დისბალანსის გათვალისწინებით, თავისი თავდაცვის შესაძლებლობების გაუმჯობესებისკენ უფრო ქმედითი ნაბიჯები უნდა გადადგას
ქართული პრესის მიმოხილვა 03.08.2020
ალექსანდრე თვალჭრელიძე -  გაბრაზებული ამომრჩევლები ხმას მცირე პარტიებს მისცემენ, პარლამენტის გასაღები სწორედ მცირე პარტიების და  ახალი სახეების ხელშია
„ნიუ ჰაუსი“ მომხმარებელს 27-თვიან შიდა უპროცენტო განვადებას სთავაზობს - იცხოვრე კომფორტულ გარემოში