ზვიად შალამბერიძე - ბიზნესსექტორის მიერ ხარისხიანი პრაქტიკისა და სტაჟირების უზრუნველყოფა ხელს შეუწყობს სტუდენტებისთვის ცოდნისა და უნარების გადაცემას

იმერეთის სახელმწიფო რწმუნებულის აპარატის ინფორმაციით, დღეს სასტუმრო "ბაგრატში" ბიზნესმენებთან შეხვედრა გაიმართა, რომელზეც სტუდენტების სტაჟირების და დასაქმების საკითხები განიხილეს. შეხვედრას იმერეთში სახელმწიფო რწმუნებული ზვიად შალამბერიძე დაესწრო.

როგორც სახელმწიფო რწმუნებულმა ზვიად შალამბერიძემ, ჟურნალისტებს განუცხადა, ბიზნესსექტორის მიერ ხარისხიანი პრაქტიკისა და სტაჟირების უზრუნველყოფა ხელს შეუწყობს სტუდენტებისთვის იმ ცოდნისა და უნარების გადაცემას, რაც დღეს სჭირდება შრომის ბაზარს.

მისივე თქმით, ხარისხიანი უმაღლესი საგანმანათლებლო დაწესებულებების გაძლიერება რეგიონში შეამცირებს სწავლის მსურველი ახალგაზრდების გადინებას, რადგან მათ ექნებათ შესაძლებლობა, რეგიონშივე მიიღონ თანამედროვე სტანდარტების შესაბამისი ცოდნა.

"ბიზნეს სექტორის ჩართულობა საგანმანათლებლო პროგრამების შემუშავებაში და მათ მიერ სტუდენტებისთვის ხარისხიანი პრაქტიკისა და სტაჟირების უზრუნველყოფა ხელს შეუწყობს სტუდენტებისთვის იმ ცოდნისა და უნარების გადაცემას, რაც დღეს სჭირდება შრომის ბაზარს. ამ მიზნით, მიზანშეწონილია, ბიზნესი უფრო მჭიდროდ ეთანამშრომლოს უნივერსიტეტებს.

ამასთან, ქუთაისში სასწავლებლად უცხოელი სტუდენტების მოზიდვა ხელს შეუწყობს ადგილობრივი ეკონომიკის გაძლიერებას, რაც დადებითად აისახება რეგიონის სოციალურ მდგომარეობაზეც", - განაცხადა ზვიად შალამბერიძემ.

მისივე თქმით, ქუთაისის უნივერსიტეტის მმართველობაში ევროპის უნივერსიტეტის შემოსვლა იქნება ევროპული განათლების გარანტი.

სახელმწიფო რწმუნებულის ინფორმაციით, 20 ივლისიდან ევროპის უნივერსიტეტსა და ქუთაისის უნივერსიტეტს საერთო მმართველი რგოლი ჰყავს.

კორნელი კაკაჩია - ხელისუფლებამ უნდა შეძლოს ქვეყნის გადაყვანა დაპირისპირების რელსებიდან კონსტრუქციულობის ფორმატში, თუმცა ამის რესურსს მმართველ გუნდში ვერ ვხედავ
დიმიტრი შველიძე - რუსული ოკუპაციის 100 წლისთავზე მთავარია გვახსოვდეს - ყოფილი მეტროპოლია ფარული ჩარევით, მშვიდად უყურებს საქართველოში პოლიტიკური ბანაკების გაუთავებელ ომს
ქართული პრესის მიმოხილვა 24.02.2021
კომპანია "სილქნეტი" განცხადებას ავრცელებს
როგორ შეუძლიათ ბიზნესებს თანამშრომელთა სამუშაო საათები ავტომატურად აღრიცხონ?
ბაკურიანის მსოფლიო თასის ეტაპებისთვის რეგისტრაცია დასრულებულია
ჰააგის სისხლის სამართლის საერთაშორისო სასამართლოსთან არსებულმა დაზარალებულთა ნდობის ფონდმა საქართველოსთვის დახმარების პროგრამა დაამტკიცა
ლაბორატორია „მეგალაბში“ კორონავირუსის ე.წ. ბრიტანული შტამის დადგენაა შესაძლებელი