მოსკოვი პეკინთან ურთიერთობების გამტკიცებას განაგრძობს, ვინაიდან ეს მსოფლიოში სტაბილურობისა და უსაფრთხოების უზრუნველყოფის ფუნდამენტური ფაქტორია, - ამის შესახებ რუსეთის საგარეო საქმეთა სამინისტროს პრესსპიკერმა მარია ზახაროვამ განაცხადა.

„მაიკ პომპეოს სიტყვებს იმის შესახებ, რომ შესაძლებელია მოსკოვი აშშ-ის ჩინეთის წინააღმდეგ წარმოებულ კამპანიაში ჩაითრიოს, განვიხილავთ, როგორც რუსეთ-ჩინეთის პარტნიორობის გართულების კიდევ ერთ გულუბრყვილო მცდელობას. ჩვენ ჩინეთის სახალხო რესპუბლიკასთან თანამშრომლობას გავაძლიერებთ, ვინაიდან, ჩვენი აზრით, ეს მსოფლიოში სტაბილიზაციის უზრუნველყოფის გადამწყვეტი ფაქტორია,“- განაცხადა მარია ზახაროვამ.