გერმანიაში, ბოლო 24 საათში, კორონავირუსის 781 შემთხვევა დადასტურდა და ინფიცირებულთა საერთო რაოდენობა 204 964-მდე გაიზარდა, - შესაბამის მონაცემებს რობერტ კოხის ინსტიტუტი ავრცელებს. ამავე მონაცემების თანახმად, ვირუსს კიდევ 7 ადამიანის სიცოცხლე შეეწირა და დაღუპულთა რიცხვმა 9 118-ს მიაღწია.

ცნობისათვის, გუშინ, გერმანიის ხელისუფლებამ მიიღო გადაწყვეტილება, რომლის თანახმადაც, კორონავირუსის მეორე ტალღის პრევენციის მიზნით, გერმანიის მოქალაქეებს, რომლებიც ქვეყანაში სხვა ქვეყნებიდან დაბრუნდებიან, კორონავირუსზე ტესტს უფასოდ ჩაუტარებენ.