კორონავირუსის შემთხვევების ზრდის გამო, კატალონიის მთავრობამ ღამის ბარები და კლუბები დახურა, - ამის შესახებ ინფორმაციას BBC-ი ავრცელებს. გამოცემის ცნობით, რეგიონში ღამის ბარები და კლუბები მომავალი ორი კვირის განმავლობაში იქნება დაკეტილი.

აღსანიშნავია, რომ კორონავირუსთან დაკავშირებით დაწესებული საგანგებო სიტუაციის მოხსნიდან ერთი თვის შემდეგ ესპანეთის რამდენიმე ქალაქში, მათ შორის ბარსელონაში, სარაგოსასა და დედაქალაქ მადრიდში კორონავირუსის შემთხვევების ზრდა ფიქსირდება. ქვეყნის ჯანდაცვის სამინისტროს ინფორმაციით, ესპანეთში ბოლო დღე-ღამის განმავლობაში კორონავირუსის 900 ახალი შემთხვევა დადასტურდა.

ცნობისათვის, საფრანგეთის ხელისუფლებამ საკუთარ მოქალაქეებს კატალონიაში გამგზავრებისგან თავის შეკავებისკენ მოუწოდა, ნორვეგია კი ესპანეთიდან ჩასულ მოქალაქეებს სავალდებულო კარანტინში უშვებს.