აჭარაში 973 პირს ლაბორატორიული კვლევა ჩაუტარდა და არცერთ მათგანს კორონავირუსი არ დაუდასტურდა. როგორც აჭარის ჯანდაცვის სამინისტროში აცხადებენ, ბათუმის "ცხელების კლინიკებში" 35 პირი იმყოფება, მათი კვლევის პასუხები ხვალ გახდება ცნობილი.

„დაავადებათა კონტროლის აჭარის სამმართველოსა და ბათუმის ინფექციური საავადმყოფოს ლაბორატორიებში ჩატარებული 973 ლაბორატორიული კვლევის შედეგი უარყოფითია. ამჟამად რესპუბლიკური საავადმყოფოს კოვიდცენტრში მკურნალობის კურსს გადის 10 პაციენტი. ცხელების კლინიკებში მოთავსებულია 35 პირი, მათი კვლევის პასუხები ხვალ გახდება ცნობილი. ჯამში აჭარაში კორონავირუსზე PCR ტესტი ჩაუტარდა 36 637 პირს. დღეს არსებული მონაცემებით კარანტინში იმყოფება 2 350 პირი. კარანტინი დატოვა 12 293-მა პირმა",- აცხადებენ უწყებაში.