ბათუმის რესპუბლიკურ საავადმყოფოში კორონავირუსით ინფიცირებული ერთი პაციენტის მდგომარეობა  მძიმეა

აჭარაში კორონავირუსით ინფიცირებული ერთი პაციენტის ჯანმრთელობის მდგომარეობა მძიმეა. როგორც ბათუმის რესპუბლიკური საავადმყოფოს ექიმი აცხადებს, ინფიცირებულ პირს, ორმხრივი პნევმონია აღენიშნება და ინტენსიური მეთვალყურეობის ქვეშ იმყოფება.

ექიმი გია კიკაბიძე აცხადებს, რომ მძიმე მდგომარეობაში მყოფ პაციენტს ყაზახეთში მოგზაურობის ისტორია აქვს.

მისივე თქმით, აჭარაში 13 ინფიცირებულის ჯანმრთელობის მდგომარეობა დამაკმაყოფილებელია.

"გუშინ რესპუბლიკურ საავადმყოფოს ოთხი პაციენტი დაემატა, აქედან ორი ახალი შემთხვევაა. ორი პირი მცხეთის რაიონულ საავადმყოფოში მკურნალობდა, ორივე მძღოლია და რადგან აჭარაში მცხოვრებლები არიან, აქ გადაწყვიტეს მკურნალობა. მათი მდგომარეობა დამაკმაყოფილებელია. ორივე არის საკარანტინე სივრციდან, ერთ-ერთი პაციენტის მდგომარეობა არის მძიმე, მესამე დღეს კარანტინში ყოფნის დროს დაუდასტურდა კორონავირუსი, მას ყაზახეთში მოგზაურობის ისტორია აქვს. პაციენტს კომპიუტერული ტომოგრაფია ჩაუტარდა, სადაც აღმოჩნდა ორმხრივი პნევმონია, რის გამოც მისი მდგომარეობა მძიმეა, იგი ინტენსიურ მეთვალყურეობის ქვეშ არის. მეორე ინფიცირებულს კორონავირუსი მე-13 დღეს დაუდგინდა, მისი მდგომარეობა დამაკმაყოფილებელია. სხვა პაციენტების მდგომარეობა სტაბილურია", - განაცხადა გია კიკაბიძემ.

ინფორმაციისთვის, დღეს საქართველოში კორონავირუსის 14 ახალი შემთხვევა გამოვლინდა და ჯამში, ინფიცირებულთა რაოდენობა 1131-მდე გაიზარდა. რაც შეეხება გამოჯანმრთელებულებს, მათი რიცხვი 3-ით გაიზარდა და 920-ს შეადგენს.

ლევან დოლიძე - ახლა განსაკუთრებით მნიშვნელოვანია აქტიურობა და ყველა იმ ინიციატიის განხილვა, რაც ჩვენი უსაფრთხოების გაძლიერების ახალ და ეფექტიან მექანიზმებს შექმნის
ქართული პრესის მიმოხილვა 26.11.2020
ზაალ ანჯაფარიძე - შესაძლოა, დასავლეთს არ ეპიტნავებოდეს „ქართული ოცნება,“ მაგრამ მან დაამტკიცა, რომ შეუძლია პარტნიორობაც და სტაბილურობის უზრუნველყოფაც, რაც დასავლეთისთვის პრიორიტეტულია
უსაფრთხოებაზე გამავალი ერთობა: მოსაზრებები, შესაძლებლობები, შეთავაზებები
სილქფესტი ფასდაკლებების კვირეულს ხუთი ყველაზე მოთხოვნადი შეთავაზებით უერთდება
Wolt-ის ლურჯი პარასკევი დაიწყო
ახალი Economy და Isolated კატეგორიები Bolt-ის აპლიკაციაში
ექსპოჯორჯია აგრო ექსპორტის ფორუმს ონლაინ, B2B ფორმატში გამართავს
„9 შავი პარასკევი“ ექსტრაზე Mastercard-ისგან