არჩილ ჩიქოვანი ბათუმში, ინასარიძის ქუჩის სარეაბილიტაციო სამუშაოებს გაეცნო

ბათუმის მერის მოვალეობის შემსრულებელმა არჩილ ჩიქოვანმა ინასარიძის ქუჩის სარეაბილიტაციო სამუშაოები დაათვალიერა. ამის შესახებ „ინერპრესნიუსს“ ბათუმის მერიიდან აცნობეს.

მათივე ცნობით, ბათუმში ათეულობით ქუჩაა, რომელიც მრავალი წლის განმავლობაში მოუწესრიგებელი იყო, არ ჰქონდა გამართული ინფრასტრუქტურა და არ გააჩნდა წყალარინების სისტემა. აღნიშნულ ქუჩებზე ამ დროისათვის მნიშვნელოვანი პროექტები ხორციელდება, რომელთა დასრულების შემდეგაც მოსახლეობა უსაფრთხოდ და კომფორტულად გადაადგილებას შეძლებს.

„ამ ეტაპზე სამუშაოები ინასარიძის ქუჩიდან კობალაძის ქუჩამდე მონაკვეთში მიმდინარეობს. დაწყებულია ასფალტის დაგების მოსამზადებელი სამუშაოები. დასასრულს უახლოვდება ბორდიურებისა და გარე განათების მონტაჟი.

უკვე დასრულდა სანიაღვრე სისტემის მოწყობა. პროექტის ღირებულება 4 მილიონ ლარს აღემატება. ბიუჯეტის ამ ნაწილში ასევე შედის ჟილინის არხის მიმდებარე ტერიტორიისა და ჯავახიშვილის ქუჩის რეაბილიტაცია ტბელ აბუსერიძისა და შერიფ ხიმშიაშვილის ქუჩებს შორის არსებულ მონაკვეთში“, - ნათქვამია ინფორმაციაში.

ალექსანდრე თვალჭრელიძე - ქართულმა პოლიტიკურმა სისტემამ მდგრადობა დაკარგა და გარე ჩარევის გარეშე მისი გამოსწორება შეუძლებელია
ქართული პრესის მიმოხილვა 05.03.2021
სტეპან გრიგორიანი - რუსეთი ჩქარობს სამხრეთ კავკასიაში დასავლეთთან შედარებით უპირატესობის მიღწევას
მინდია დავითაძე - საამაყოა, როცა WIPO-ს გენერალური დირექტორის მხრიდან დადებითად ფასდება საქპატენტის საქმიანობა
სილქნეტი განცხადებას ავრცელებს (R)