მამუკა ხაზარაძე - "ლელოს" მოდელით გაორმაგდება ეკონომიკა და გაორმაგდება მთლიანი შიდა პროდუქტი ერთ სულ მოსახლეზე

“ლელო საქართველოსთვის” თავმჯდომარის მამუკა ხაზარაძის თქმით, უახლოეს 4 წელში საქართველოში სამუშაო ადგილების რაოდენობა 200 000-ით გაიზრდება და ქვეყანა ეკონომიკური მიზიდულობის ცენტრად ჩამოყალიბდება. მან ლანჩხუთის რეგიონალური ოფისის გახსნის დროს „ლელოს“ საპროგრამო მესიჯებზე ისაუბრა და აღნიშნა, რომ მათი მოდელით გაორმაგდება ეკონომიკა და გაორმაგდება მთლიანი შიდა პროდუქტი ერთ სულ მოსახლეზე.

“ბოლო წლების განმავლობაში მოვისმინეთ ბევრი დაპირება, რომ გაგვეზრდება პენსია ან შემოსავალი. ბოლოს ვართ იქ, სადაც ვიყავით. ბოლო 8 წლის განმავლობაში რაც გაიზარდა, ეს არის სახელმწიფო ვალი, რომელიც თითოეული ჩვენგანის გადასახდელია. ერთ სულ მოსახლეზე ვალი 2400 ლარიდან 7400 ლარამდე გაიზარდა, მაგრამ ადამიანებს არ გაზრდიათ შემოსავალი. ჩვენ გვაქვს კონკრეტული გეგმა, რომ უახლოეს წლებში გავაორმაგებთ საქართველოს ეკონომიკას და გავაორმაგებთ შემოსავალს ერთ სულ მოსახლეზე. უახლოესი 4 წლის განმავლობაში 200 000 ახალ სამუშაო ადგილს შევქმნით და საქართველო გახდება მიზიდულობის ცენტრი, სადაც, პირველ რიგში, შევძლებთ იმას, რომ ჩვენს ემიგრანტებს დავაბრუნებთ ქვეყანაში. პოლიტიკაში ჩემთვის მთავარია სიტყვა და მისი ფასი, ამას ჩვენ დავაბრუნებთ”, - აცხადებს მამუკა ხაზარაძე.

ინფორმაციას “ლელო საქართველოსთვის” პრესსამსახური ავრცელებს.

სტეპან გრიგორიანი - რუსეთი ჩქარობს სამხრეთ კავკასიაში დასავლეთთან შედარებით უპირატესობის მიღწევას
მინდია დავითაძე - საამაყოა, როცა WIPO-ს გენერალური დირექტორის მხრიდან დადებითად ფასდება საქპატენტის საქმიანობა
ქართული პრესის მიმოხილვა 05.03.2021
ზურაბ ბატიაშვილი - ხელისუფლებას აქვს მარტივი არჩევანი - ან დასავლეთთან ერთად ან დასავლეთის წინააღმდეგ, ამ არჩევანში თუ დასავლეთის და საკუთარი ხალხის წინააღმდეგ წავლენ, ხელისუფლებას მალევე დაკარგავენ
იურიდიული პირები პროკრედიტ ბანკში ანგარიშებს დისტანციურად გახსნიან
საერთაშორისო სისტემა ინტელიექსპრესი საქართველოს მოქალაქეებისთვის ევროპულ სერვისებზე წვდომას ამარტივებს