ჩინეთში, ბოლო დღე-ღამის განავლობაში, კორონავირუსის 61 ახალი შემთხვევა დადასტურდა, რაც მარტის დასაწყისიდან ყველაზე მაღალი დღიური მაჩვენებელია ქვეყნისთვის, - ამის შესახებ ინფორმაციას „როიტერსი“ ჩინეთის ჯანდაცვის ეროვნულ კომისიაზე დაყრდნობით ავრცელებს.
მათივე ინფორმაციით, 61 შემთხვევიდან 57 შიდა გადაცემის შედეგია, საიდანაც 41 სინძიანის პროვინციაში გამოვლინდა.
გარდა ამისა, ჩინეთში კოვიდ 19-ით ინფიცირების 44 ახალი უსიმპტომო შემთხვევა დადასტურდა.
ცნობისათვის, ბოლო მონაცემებით ქვეყანაში კორონავირუსის 83 891 შემთხვევაა დადასტურებული, დაღუპულია 4 634 ადამიანი.