ინდოეთში კორონავირუსის 49 931 ახალი შემთხვევა დადასტურდა, რაც რეკორდულად მაღალი დღიური მაჩვენებელია ქვეყნისთვის, - შესაბამის მონაცემებს CNN-ი ქვეყნის ჯანდაცვის სამინისტროზე დაყრდნობით ავრცელებს.

ამავე მონაცემების თანახმად, ინდოეთში დაინფიცირებულთა საერთო რაოდენობა 1 435 453-მდე გაიზარდა, საიდანაც 485 000-ზე მეტი აქტიური შემთხვევაა, გამოჯანმრთელებულთა რიცხვი კი 917 568-ია.

რაც შეეხება ფატალურ შემთხვევებს, ქვეყანაში „კოვიდ 19“-ს კიდევ 708 ადამიანის სიცოცხლე ემსხვერპლა და დაღუპულთა რაოდენობა, საერთო ჯამში, 32 771-მდე გაიზარდა.

ცნობისათვის, კოვიდინიფიცირებულთა რაოდენობით ინდოეთი მესამე ადგილზე დგას მსოფლიოში აშშ-სა ბრაზილიის შემდეგ.

იხილეთ ვიდეო: ინდოეთში კორონავირუსის 49 931 ახალი შემთხვევა დადასტურდა, რაც ქვეყნისთვის რეკორდულად მაღალი დღიური მაჩვენებელია