ლია გიგაურის განცხადებით, "წითელი ჯვრის" წარმომადგენლებს იმედი აქვთ, რომ საოკუპაციო ძალების მიერ გატაცებულ ზაზა გახელაძეს დღეს მოინახულებენ

შერიგებისა და სამოქალაქო თანასწორობის საკითხებში სახელმწიფო მინისტრის მოვალეობის შემსრულებლის ლია გიგაურის განცხადებით, "წითელი ჯვრის" წარმომადგენლებს იმედი აქვთ, რომ საოკუპაციო ძალების მიერ გატაცებულ ზაზა გახელაძეს დღეს მოინახულებენ. როგორც მან ჟურნალისტებს განუცხადა, ზაზა გახელაძის ჯანმრთელობის მდგომარეობა დამაკმაყოფილებელია.

"ჩვენ ინტენსიური კავშირი გვაქვს ყველა ჩვენს პარტნიორთან, ვისაც შეუძლია გარკვეული ზეგავლენა მოახდინოს ამ პროცესებზე. მქონდა პერსონალური შეხვედრა "წითელი ჯვრის" საერთაშორისო ორგანიზაციის ხელმძღვანელთან საქართველოში, რომელმაც მითხრა, რომ ის პრობლემები, რაც „წითელ ჯვარს" შეექმნა ზაზა გახელაძის მონახულებასთან დაკავშირებით, დაკავშირებული იყო საკარანტინო პერიოდთან და ეს მიზეზი დაუსახელეს მას. ეს პერიოდი უკვე დასრულებულია და მათ აქვთ მოლოდინი, რომ სწორედ დღეს ექნებათ საშუალება, მოინახულონ ზაზა გახელაძე. რაც შეეხება მის მდგომარეობას, ამაზე ინტენსიურად გვაწვდიან ინფორმაციას, რომ მისი ჯანმრთელობის მდგომარეობა დამაკმაყოფილებელია, არანაირი საფრთხე არ უქრება. ასევე, პირობები, რომელშიც ის იმყოფება, დამაკმაყოფილებელია"-აცხადებს გიგაური.

მისი თქმით, ბოლო პერიოდში საოკუპაციო ძალების წარმომადგენლებმა 6 ადამიანი დააკავეს და ამ ეტაპზე სამი ადამიანი რჩება უკანონო პატიმრობაში, მათ შორის ზაზა გახელაძე. "ყველა ის მექანიზმი, რომელსაც ჩვენ ვიყენებთ, მიმართულია იმისკენ, რომ ის უპირობოდ გათავისუფლდეს და ამას დიდი მნიშვნელობა აქვს, რომ უპირობოდ მოხდეს ზაზა გახელაძისა და სხვების გათავისუფლება და ისინი ჩვენს ქვეყანას გადმოეცეს", -აცხადებს გიგაური.

შეგახსენებთ,რომ 33 წლის ზაზა გახელაძე საოკუპაციო ძალების წარმომადგენლებმა გამყოფ ხაზთან 11 ივლისს დააკავეს, ის ფეხში იყო დაჭრილი. დაკავებულს ოკუპირებული ცხინვალის რეგიონის ე.წ. სასამართლომ ორთვიანი პატიმრობა შეუფარდა.

გიორგი ანთაძე - საქართველო ვაშინგტონისა და თავისუფალი სამყაროს მთავარი სტრატეგიული პარტნიორია სამხრეთ კავკასიაში და ჩვენ ეს როლი და ფუნქცია ბოლომდე უნდა ავითვისოთ
ქართული პრესის მიმოხილვა 25.01.2021
ლილია შევცოვა - თუ აშშ საქართველოდან არ გასულა, ამერიკელები საქართველოში დაუპირისპირდებიან რუსულ გავლენებს, რომლებიც რამდენადაც ვიცი, ქვეყანაში საკმაოდ მრავლადაა
სადაზღვევო კომპანია "ევროინს ჯორჯიას" დამფუძნებელი კომპანია Eurohold, ბულგარეთში ელექტროენერგიის უდიდესი მომწოდებელი კომპანიის მფლობელი გახდა
სილქფესტი მომხმარებლებს უქმეებზე ულიმიტო ინტერნეტ და უსასრულო სასაუბრო პაკეტების გააქტიურებას სთავაზობს