რუსეთის უსაფრთხოების სამსახურმა მოსკოვის რეგიონში გაანეიტრალა ტერორისტების მხარდამჭერი, რომელიც მოსკოვში მასობრივი სროლის მოწყობას აპირებდა, - ამის შესახებ ინფორმაციას რუსული მედია რუსეთის უსაფრთხოების სამსახურის პრესსამსახურზე დაყრდნობით ავრცელებს.

„რუსეთის ფედერაციის უსაფრთხოების სამსახურმა შინაგან საქმეთა სამინისტროსა და საგამოძიებო კომიტეტთან ერთად ტერორისტული ჯგუფის წევრის საქმიანობა აღკვეთა. ის მოსკოვში მასობრივი შეკრების ერთ-ერთ ადგილას ტერორისტული აქტის განხორციელებას გეგმავდა“, - აღნიშნულია რუსეთის უსაფრთხოების სამსახურის მიერ გავრცელებულ განცხადებაში.

მათივე ინფორმაციით, დაკავების დროს ეჭვმიტანილმა სამართალდამცველებს ავტომატური იარაღიდან ცეცხლი გაუხსნა, საპასუხო სროლისას კი დაიღუპა. მედიის ინფორმაციით, მამაკაცი, რომელიც ცენტრალური აზიის ერთ-ერთი ქვეყნის მოქალაქე იყო, ტერაქტის განხორციელების შემდეგ სირიაში გადასვლას და ერთ-ერთ ტერორისტულ დაჯგუფებაში გაწევრიანებას გეგმავდა.