გორთან მომხდარი ავტოსაგზაო შემთხვევის შედეგად ორი ადამიანი დაშავდა, რომელთაგან ერთი არასრულწლოვანია

გორის მუნიციპალიტეტში მომხდარი ავტოსაგზაო შემთხვევის შედეგად ორი ადამიანი დაშავდა. დაშავებულთაგან ერთი - 40 წელს გადაცილებული ქალია, მისი დისშვილი გოგონა კი არასრულწლოვანია.

დაშავებულები სასწრაფო დახმარების ჯგუფმა კლინიკა „გორმედში“ გადაიყვანა.

სამედიცინო ცენტრის ქირურგიული დეპარტამენტის ხელმძღვანელის, მერაბ მაისურაძის განცხადებით, ორივე პაციენტის ჯანმრთელობის მდგომარეობა საშუალო სიმძიმისაა.

„შემოყვანილია ავტოსაგზაო შემთხვევის შედეგად დაშავებული ორი პირი - შუახნის ქალი და მისი დისშვილი - 17 წლის გოგონა. ორივე პაციენტის მდგომარეობა საშუალო სიმძიმისაა, ჩაუტარდათ ყველა საჭირო გამოკვლევა, მკურნალობა უტარდებათ ქირურგიული დეპარტამენტის სტაციონარში“, - განაცხადა მერაბ მაისურაძემ.

შემთხვევა ახალშენთან მოხდა, ერთმანეთს მსუბუქი ავტომანქანა და სატვირთო შეეჯახნენ. დაშავებულები მსუბუქი ავტომანქანის მგზავრები არიან.

მომხდარ ფაქტზე გამოძიება სსკ-ის 276-ე მუხლის მე-2 ნაწილით მიმდინარეობს.

ხათუნა ლაგაზიძე  - „ოცნება“ ისეთ თავდაღმართშია, ვერავინ გეტყვით, როდის, რა მომენტში აფეთქდება - პლებისციტზე საუბარმა აზრი დაკარგა, მოლაპარაკება აუცილებელია, მაგრამ უპირობოდ - რიგგარეშე არჩევნებზე
რა კრიტერიუმებს უნდა აკმაყოფილებდეს გერმანიაში სეზონურ სამუშაოზე წასვლის მსურველი და რა იქნება საქართველოს მოქალაქეების ანაზღაურება?
ქართული პრესის მიმოხილვა 08.03.2021
ალექსანდრე თვალჭრელიძე - ქართულმა პოლიტიკურმა სისტემამ მდგრადობა დაკარგა და გარე ჩარევის გარეშე მისი გამოსწორება შეუძლებელია
სილქნეტი განცხადებას ავრცელებს (R)