აჭარაში კორონავირუსის ერთი ახალი შემთხვევა გამოვლინდა, ინფიცირებული თურქეთის მოქალაქეა

კორონავირუსის 8 ახალი შემთხვევიდან ერთი აჭარაში გამოვლინდა. ინფიცირებული თურქეთის მოქალაქეა.

როგორც აჭარის ჯანდაცვის სამინისტროში განაცხადეს, გეგმური შემოწმებისას ტრაილერის მძღოლს კორონავირუსი დაუდასტურდა, რომელიც გვიან ღამით, საკუთარი სურვილით თურქეთის რესპუბლიკაში გადაიყვანეს.

ბათუმის რესპუბლიკურ საავადმყოფოში 15 ინფიცირებული მკურნალობს, აქედან ერთის ჯანმრთელობის მდგომარეობა მძიმეა.

"ჩვენს კლინიკაში "კოვიდ 19" -ით ინფიცირებული 15 პაციენტი რჩება, აქედან 14 პაციენტის მდგომარეობა სტაბილურია, ერთის კი მძიმეა. ამ პაციენტზე ინტენსიური მეთვალყურეობა მიმდინარეობს. რაც შეეხება ახალი შემთხვევას, თურქეთის მოქალაქეს საზღვარზე შემოწმებისას კორონავირუსი დაუდასტურდა, მისი ტესტირება ბათუმის ინფექციურ საავადმოყოფოში მოხდა. მოქალაქე აღნიშნული კლინიკიდან თურქეთის რესპუბლიკაში თავისივე მოთხოვნით გადაიყვანეს. გამოჯანმრთელებული ჯერ არ გვყავს, ოთხ პაციენტს აღებული აქვს პისიარ ტესტი და დღეს გვეცოდინება პასუხი",- აცხადებს ექიმი გია კიკაბიძე.

ზურაბ ბატიაშვილი - ხელისუფლებას აქვს მარტივი არჩევანი - ან დასავლეთთან ერთად ან დასავლეთის წინააღმდეგ, ამ არჩევანში თუ დასავლეთის და საკუთარი ხალხის წინააღმდეგ წავლენ, ხელისუფლებას მალევე დაკარგავენ
ქართული პრესის მიმოხილვა 04.03.2021
კახა გოგოლაშვილი - ევროკავშირის მედიაცია გახდა ინსტრუმენტი, რომელიც არ არის ერთჯერადი, სანამ კრიზისი არ მოგვარდება, ევროკავშირი ამ პროცესში ჩართული იქნება
იურიდიული პირები პროკრედიტ ბანკში ანგარიშებს დისტანციურად გახსნიან