ვარკეთილში სპეცოპერაციისას დაკავებული მამაკაცი  აცხადებს, რომ "გამომძიებლებს ზღაპრები აქვთ მოყოლილი"

ვარკეთილში, სპეცოპერაციის შედეგად დაკავებული მამაკაცი, ალექსანდრე ივანოვი, რომელიც უმისამართოდ ისროდა, კვლავ პატიმრობაში რჩება. აღნიშნული გადაწყვეტილება თბილისის საქალაქო სასამართლოს მოსამართლემ ალექსანდრე იაშვილმა მიიღო.

ბრალდების მხარე დაკავებულის მიმართ კვლავ პატიმრობის გამოყენებას, დაცვის მხარე კი ალექსანდრე ივანოვის 3 000-ლარიანი გირაოს სანაცვლოდ გათავისუფლებას ითხოვდა. სასამართლო პროცესს დისტანციურად ესწრებოდა ბრალდებული, რომელმაც განაცხადა, რომ "გამომძიებლებს ზღაპრები აქვთ მოყოლილი".

ივანოვის თქმითვე, ის 24 წლის მანძილზე ფსიქიატრიულ კლინიკაში გადიოდა მკურნალობას და შემთხვევის დღესაც მან შვილები ყველაფერს განარიდა. ივანოვის ადვოკატის განმარტებით, შემთხვევის დროს გარკვეული გარემოებები იყო, რამაც ამ დანაშაულის ჩადენას შეუწყო ხელი და ბრალდებულის ფსიქოლოგიური მდგომარეობა შესასწავლია.

ადვოკატის განცხადებით, მდგომარეობა კრიტიკულია და ალექსანდრე ივანოვს კლინიკაში სრულყოფილი, ხანგრძლივი მკურნალობა სჭირდება.

დღევანდელ პროცესზე მტკიცებულებების დასაშვებობაზეც იმსჯელეს. სასამართლომ ბრალდების მხარის მიერ წარმოდგენილი ყველა მტკიცებულება დასაშვებად ცნო.

ცნობისთვის, 5 ივნისს, თბილისში, ვარკეთილის მე-3 მასივში, 1975 წელს დაბადებულმა, ნასვამ მდგომარეობაში მყოფმა ალექსანდრე ივანოვმა ცეცხლსასროლი იარაღიდან რამდენიმე გასროლა განახორციელა. ადგილზე მისულ სამართალდამცველებს დახვდათ საკუთარ საცხოვრებელ სახლში ჩაკეტილი მოქალაქე ბრალდებული, რომელიც ამავე სახლის ფანჯრიდან, მეზობლების თანდასწრებით, მის სახელზე რეგისტრირებული ცეცხლსასროლი იარაღიდან უმისამართოდ ისროდა, რითაც არღვევდა საზოგადოებრივ წესრიგს. რამდენიმესაათიანი მოლაპარაკებების შედეგად, ალექსანდრე ივანოვი დაემორჩილა სამართალდამცველების მოთხოვნას და საცხოვრებელი სახლი დატოვა.

ალექსანდრე ივანოვს ბრალი წარდგენილი აქვს სისხლის სამართლის კოდექსის 126-ე პრიმა მუხლის პირველი ნაწილით, 187-ე მუხლის პირველი და 239-ე მუხლის მე-3 ნაწილით, ასევე, 353-ე პრიმა მუხლის პირველი ნაწილით, რაც გულისხმობს ოჯახში ძალადობას, სხვისი ნივთის განზრახ დაზიანებას, იარაღის გამოყენებით ჩადენილ ხულიგნობას და პოლიციელზე თავდასხმას.

იხილეთ ვიდეო:ვარკეთილში უმისამართოდ სროლის ფაქტზე დაკავებული მამაკაცი პროკურატურას "ზღაპრების გამოგონებაში" ადანაშაულებს

კორნელი კაკაჩია - ხელისუფლებამ უნდა შეძლოს ქვეყნის გადაყვანა დაპირისპირების რელსებიდან კონსტრუქციულობის ფორმატში, თუმცა ამის რესურსს მმართველ გუნდში ვერ ვხედავ
დიმიტრი შველიძე - რუსული ოკუპაციის 100 წლისთავზე მთავარია გვახსოვდეს - ყოფილი მეტროპოლია ფარული ჩარევით, მშვიდად უყურებს საქართველოში პოლიტიკური ბანაკების გაუთავებელ ომს
ქართული პრესის მიმოხილვა 24.02.2021
კომპანია "სილქნეტი" განცხადებას ავრცელებს
როგორ შეუძლიათ ბიზნესებს თანამშრომელთა სამუშაო საათები ავტომატურად აღრიცხონ?
ბაკურიანის მსოფლიო თასის ეტაპებისთვის რეგისტრაცია დასრულებულია
ჰააგის სისხლის სამართლის საერთაშორისო სასამართლოსთან არსებულმა დაზარალებულთა ნდობის ფონდმა საქართველოსთვის დახმარების პროგრამა დაამტკიცა
ლაბორატორია „მეგალაბში“ კორონავირუსის ე.წ. ბრიტანული შტამის დადგენაა შესაძლებელი