სამეგრელო-ზემო სვანეთის გუბერნატორი ალექსანდრე მოწერელია თანამდებობას ტოვებს. იგი პირველი აგვისტოდან მხარის რწმუნებული არ იქნება. ამის შესახებ ალექსანდრე მოწერელიამ ჟურნალისტებს დღეს განუცხადა.

მისივე განმარტებით, თანამდებობის დატოვების შესახებ განცხადება გუშინ დაწერა. მხარის რწმუნებულის მოვალეობას პირველი მოადგილე მალხაზ თორია შეასრულებს.

დღეს ალექსანდრე მოწერელიამ საზოგადოებას ორი წლის მუშაობის ანგარიში წარუდგინა. მოწერელია 2020 წლის საპარლამენტო არჩევნებში მმართველი გუნდის მაჟორიტარი დეპუტატობის კანდიდატია მარტვილის, აბაშის, ჩხოროწყუსა და წალენჯიხის გაერთიანებულ საარჩევნო ოლქში. იგი სამეგრელო-ზემო სვანეთის გუბერნატორის პოსტს 2018 წლის აგვისტოდან იკავებს.