დედოფლისწყაროში მცხოვრებ ორ მოზარდს პოლიცია ეძებს. გავრცელებული ინფორმაციით, არასრულწლოვნები გუშინ გავიდნენ სახლიდან და მას შემდეგ არ გამოჩენილან.

არსებული ინფორმაციით, ბავშვებმა განაცხადეს, რომ თბილისში გეგმავდნენ წასვლას და შესაბამისად, მათი სამძებრო სამუშაოები კახეთის გარდა, თბილისშიც მიმდინარეობს.

როგორც „ინტერპრესნიუსს“ შინაგან საქმეთა სამინისტოში განუცხადეს, სამართალდამცავები სამძებრო ღონისძიებებში აქტიურად არიან ჩართულები.

გამოძიება სისხლის სამართლის კოდექსის 143-ე მუხლით დაიწყო, რაც თავისუფლების უკანონო აღკვეთას გულისხმობს.