რეგიონული განვითარების სამინისტროს განცხადებით, ინფორმაცია, თითქოს ჭიათურაში მშენებარე საბაგირო გზის შენობის სახურავი წვიმის შედეგად დაზიანდა, სიცრუეა

რეგიონული განვითარებისა და ინფრასტრუქტურის სამინისტროს განცხადებით, ერთ-ერთი მედიასაშუალებით გავრცელებული ინფორმაცია, თითქოს ჭიათურაში მშენებარე საბაგირო გზის შენობის სახურავი წვიმის შედეგად დაზიანდა, არის მიზანმიმართული სიცრუე და ემსახურება საზოგადოების შეცდომაში შეყვანას.

უწყებაში აღნიშნავენ, რომ ჭიათურაში, საბაგირო გზების მშენებლობა საქართველოს მუნიციპალური განვითარების ფონდის დაკვეთით აქტიურად მიმდინარეობს და წლის ბოლომდე დასრულდება. სამშენებლო სამუშაოებში უკვე ჩაერთნენ ფრანგული კომპანიების, ,,ტექკაბელის“ და ,,პომას“ სპეციალისტები.

„ ამ დროისთვის, დასრულებულია საბაგირო გზის კონსტრუქციული ნაწილის მშენებლობა და ორი მიმართულებით ბაგირის მონტაჟი. საბაგიროს სადგურის სახურავის შიდა ნაწილზე კი, გეგმიური სამღებრო სამუშაოები მიმდინარეობს.

ჭიათურის საბაგირო გზის მშენებლობის დასკვნითი ფაზა მოიცავს ბაგირის ოთხიდან დარჩენილი ორი მიმართულების მშენებლობას, ოთხივე სადგურის ტესტირებას და უსაფრთხოების ნორმების უზრუნველყოფას. საბაგირო გზებისა და სადგურების მშენებლობის დასრულების შედეგად, სრულად აღდგება ცენტრალური სადგური და მისგან გამავალი ოთხი მიმართულება.

საქართველოს მუნიციპალური განვითარების ფონდი მუდმივად და აქტიურად თანამშრომლობს მედიასთან სწორედ იმისათვის, რომ საზოგადოებას მიაწოდოს ზუსტი ინფორმაცია.

ყოველივე ზემოაღნიშნულიდან გამომდინარე, ვთხოვთ მედიასაშუალებებს, თავი შეიკავონ გადაუმოწმებელი ინფორმაციის გავრცელებისა და საზოგადოების შეცდომაში შეყვანისაგან”,-აღნიშნულია სამინისტროს განცხადებაში.

ზურაბ ბატიაშვილი - ხელისუფლებას აქვს მარტივი არჩევანი - ან დასავლეთთან ერთად ან დასავლეთის წინააღმდეგ, ამ არჩევანში თუ დასავლეთის და საკუთარი ხალხის წინააღმდეგ წავლენ, ხელისუფლებას მალევე დაკარგავენ
ქართული პრესის მიმოხილვა 04.03.2021
კახა გოგოლაშვილი - ევროკავშირის მედიაცია გახდა ინსტრუმენტი, რომელიც არ არის ერთჯერადი, სანამ კრიზისი არ მოგვარდება, ევროკავშირი ამ პროცესში ჩართული იქნება
შეფუთვის ვინტაჟური სტილი და ევროპული სტანდარტების ქარხანა - „ვაკე“ 2021 წელს სიახლეებით იწყებს
იურიდიული პირები პროკრედიტ ბანკში ანგარიშებს დისტანციურად გახსნიან