კორონავირუსი გრიპის ვირუსის მსგავსი სეზონური დაავადება არაა, ეს სრულიად ახალი ვირუსია, რომელიც განსხვავებულად მოქმედებს, - ამის შესახებ ჯანდაცვის მსოფლიო ორგანიზაციის წარმომადგენელმა მარგარეტ ჰარისმა ჟენევაში გამართულ ვირტუალურ ბრიფინგზე განაცხადა.

„ადამიანები ჯერ კიდევ სეზონებზე ფიქრობენ. ერთი რამ, რაც ყველამ კარგად უნდა გავაცნობიეროთ არის ის, რომ ეს სრულიად ახალი ვირუსია, რომელიც განსხვავებულად მოქმედებს,“- განაცხადა მარგარეტ ჰარისმა.

მან კომენტარი კორონავირუსის პანდემიის ტალღებად დაყოფის შესახებაც გააკეთა და აღნიშნა, რომ ეს „ერთი დიდი ტალღაა“, რომელიც ხან იზრდება და ხან მცირდება.