“ლელო“ რუსთავში ციხის მშენებლობას აპროტესტებს

“ლელო საქართველოსთვის“ ერთ-ერთმა ლიდერმა, გრიგოლ გეგელიამ დღეს რუსთავში, ჭყონდიდის დასახლებაში, ციხის მშენებლობა გააპროტესტა.

გეგელიას თქმით, "ქართული ოცნების" ხელისუფლება აგრძელებს მავნებელ ტრადიციას, როდესაც განაშენიანება ხდება ადგილობრივთა აზრის გათვალისწინების გარეშე.

გეგელიას აზრით, დაუშვებელია ციხის აშენება საცხოვრებელი სახლების წინ. მისივე თქმით, მაშინ, როდესაც ქვეყანაში განვითარებული მოდელები უნდა ინერგებოდეს, მოსახლეობასთან ახლოს ციხის კედლები შენდება.

„არცერთი წამით არ შევეგუებით იმას, რომ აქ აღიმართოს ყრუ, უსიცოცხლო კედელი. ჩვენ მთელი ქვეყნის მასშტაბით უნდა დავნერგოთ განვითარების მოდელი, რომელიც ემყარება ადგილობრივ მოსახლეთა აზრს. „ქართული ოცნება“ საზოგადოებას თვალებში ნაცარს აყრის და აცხადებს, რომ ვითომ ციხის მშენებლობა აღარ იგეგმება“, - აცხადებს გრიგოლ გეგელია.

მისი თქმით, „ლელოს“ გამარჯვებისთანავე, შემორაგულ ტერიტორიაზე გაკეთდება დასასვენებელი ზონა, სავაჭრო და გასართობი წერტილებით, პარკითა და ადამიანზე მორგებული სოციალური სივრცით, სადაც მთელი რუსთავის მოსახლეობას ექნება დასაქმების, დასვენებისა და გართობის საშუალება.

ინფორმაციას „ლელო საქართველოსთვის“ პრესსამსახური ავრცელებს.

კორნელი კაკაჩია - ხელისუფლებამ უნდა შეძლოს ქვეყნის გადაყვანა დაპირისპირების რელსებიდან კონსტრუქციულობის ფორმატში, თუმცა ამის რესურსს მმართველ გუნდში ვერ ვხედავ
დიმიტრი შველიძე - რუსული ოკუპაციის 100 წლისთავზე მთავარია გვახსოვდეს - ყოფილი მეტროპოლია ფარული ჩარევით, მშვიდად უყურებს საქართველოში პოლიტიკური ბანაკების გაუთავებელ ომს
ქართული პრესის მიმოხილვა 24.02.2021
კომპანია "სილქნეტი" განცხადებას ავრცელებს
როგორ შეუძლიათ ბიზნესებს თანამშრომელთა სამუშაო საათები ავტომატურად აღრიცხონ?
ბაკურიანის მსოფლიო თასის ეტაპებისთვის რეგისტრაცია დასრულებულია
ჰააგის სისხლის სამართლის საერთაშორისო სასამართლოსთან არსებულმა დაზარალებულთა ნდობის ფონდმა საქართველოსთვის დახმარების პროგრამა დაამტკიცა
ლაბორატორია „მეგალაბში“ კორონავირუსის ე.წ. ბრიტანული შტამის დადგენაა შესაძლებელი