საქართველოში კორონავირუსის 10 ახალი შემთხვევიდან ერთი აჭარაში გამოვლინდა. აჭარის ჯანდაცვის სამინისტრის ინფორმაციით, ინფიცირებულ მამაკაცს ყაზახეთში მოგზაურობის ისტორია აქვს, იგი საქართველოში დაბრუნებისას საკარანტინე სივრცეში იმყოფებოდა.
უწყების ცნობით, მამაკაცს გეგმური კვლევა ჩაუტარდა, სადაც კორონავირუსი დაუდასტურდა.
ბათუმის რესპუბლიკურ საავადმყოფოში კორონავირუსით ინფიცირებული 16 ადამიანი მკურნალობს, აქედან ერთის ჯანმრთელობის მდგომარეობა მძიმეა, პაციენტი ინტენსიური მეთვალყურეობის ქვეშ რჩება.