ქუთაისში უხვი ნალექის შედეგად რამდენიმე ქუჩა დაიტბორა. როგორც „ინტერპრესნიუსს“ ქუთაისის მუნიციპალიტეტის მერიიდან აცნობეს, ფოთის, განჯისა და წერეთლის ქუჩებზე მოსახლეობის ნაწილს წყალი საცხოვრებელი სახლის სარდაფებსა და პირველ სართულებზე შეუვიდათ.

მათი ინფორმაციით, დაიტბორა, როგორც საავტომობილო გზები, ასევე ეზოები.

„სტიქიის ადგილზე მთელი ღამის განმავლობაში იმყოფებოდა ქუთაისის მერის მოვალეობის შემსრულებელი დავით ერემეიშვილი. სალიკვიდაციო სამუშაოები ამ დრომდე გრძელდება. ადგილზე მუშაობენ საპატრულოსა და სამაშველოს ეკიპაჟები, ასევე ა(ა)იპ „სპეციალური სერვისებისა“ და მერიის კეთილმოწყობის სამსახურის ბრიგადები“,-აღნიშნულია ინფორმაციაში.