უხვი ნალექის გამო წყალტუბოს მუნიციპალიტეტის სოფელ ჟონეთში 4 ოჯახის საცხოვრებლი სახლი და 8 ოჯახის საკარმიდამო ნაკვეთი დაიტბორა. ამის შესახებ „ინტერპრესნიუსს“ იმერეთში სახელმწიფო რწმუნებულის ადმინისტრაციის პრესსამსახურიდან აცნობეს.
როგორც იმერეთში სახელმწიფო რწმუნებულის ადმინისტრაციაში განმარტავენ, ადგილზე მოეწყო დროებითი ჯებირი, რის შედეგადაც წყლის დონემ დაიკლო.
ადგილზე იმყოფებოდნენ წყალტუბოს მუნიციპალიტეტის მერი გრიგოლ იოსელიანი, საგანგებო სიტუაციების მართვის სამსახურის, საავტომობილო გზების დეპარტამენტისა და ნამოხვანჰესების კასკადის პროექტის განმახორციელებლი კომპანიის "ენკა რინიუებლზის’’ წარმომადგენლები, რომლებმაც სტიქიის შედეგების სალიკვიდაციოდ ადგილზე მძიმე ტექნიკის მობილიზება ოპერატიულად უზრუნველყვეს.
„ამ დროისთვის მოძრაობა სრულად აღდგენილია, დათვლილია ზარალი. როგორც მუნიციპალიტეტის მერი გრიგოლ იოსელიანი აცხადებს, დაზრალებულები შესაბამის კომპენსაციას მიიღებენ“,-აღნიშნულია ინფორმაციაში.