ლანჩხუთის მერის ინფორმაციით, დატბორილია შიდა სასოფლო გზები, დაზიანებულია რამდენიმე ხიდი და დანგრეულია 2 სახლი

ლანჩხუთის მუნიციპალიტეტის მერის ალექსანდრე სარიშვილის განცხადებით, გადაუღებელი წვიმის შედეგად მუნიციპალიტეტში დატბორილია შიდასასოფლო გზები, ჩამოწვა მეწყერი, დაზიანებულია რამდენიმე ხიდი და დანგრეულია 2 სახლი.

სარიშვილის ინფორმაციით, ერთ-ერთ სახლში, რომელიც სტიქიის შედეგად დაზიანდა, ერთი ადამიანი იმყოფებოდა, რომლის ჯანმრთელობის მდგომარეობის შესახებ ინფორმაცია მალე გახდება ცნობილი.

„მუნიციპალიტეტში დილიდან გადაუღებლად წვიმდა, გარკვეული ზიანი მიაყენა, ძირითადად შიდასასოფლო გზებია დატბორილი და საყანე ფართობები. დაზიანებულია რამდენიმე ხიდი და ორი სახლია ჩამონგრეული, ერთი სახლი დილით ჩამოინგრა და მეორე სახლი დაახლოებით ერთი საათის წინ. გვაქვს ინფორმაცია, რომ ერთ სახლში იმყოფებოდა ადამიანი, გამოძახებულია სასწრაფო დახმარების ბრიგადა და უახლოეს მომავალში გვეცოდინება მისი ჯანმრთელობის მდგომარეობის შესახებ“, - განაცხადა ალექსანდრე სარიშვილმა.

თორნიკე ჯანაშვილი - ქვეყანა ღრმა ეკონომიკურ კრიზისშია  და მომავალ წელს უფრო მძიმე  კრიზისის  წინაშე  შეიძლება აღმოვჩნდეთ
ვიქტორ ყიფიანი - როგორიც არ უნდა იყოს რეგიონალური თუ საერთაშორისო კონიუქტურა, რისკების ასაცილებლად და შესაძლებლობების გამოსაყენებლად გზები დამოუკიდებლად უნდა ვეძებოთ
ქართული პრესის მიმოხილვა 10.08.2020
სევრის ხელშეკრულების 100 წლისთავი
სილქნეტის სამთვიანი აქცია უფასო ინსტალაციაზე ამოქმედდა