ილია ბეგიაშვილი - შტაბში მივიღებთ გადაწყვეტილებებს, როგორ მოხდება იმ სოფლების პროდუქტებითა და მედიკამენტებით მომარაგება, სადაც გზები დაზიანდა

სტიქიის შედეგად დაზიანებული ყველა ადგილი ვნახეთ, ახლა ტექნიკური გადაწყვეტილებები მიიღება იმის შესახებ, პირველ რიგში, სად რა სახის სამუშაო უნდა ჩატარდეს. ასევე, ვგეგმავთ, ის რამდენიმე დღე, ვიდრე სოფლები მოწყვეტილი იქნება, როგორ მოხდება დაკავშირება, პროდუქტებითა და მედიკამენტებით მომარაგება, - ამის შესახებ რეგიონული განვითარებისა და ინფრასტრუქტურის მინისტრის მოადგილემ ილია ბეგიაშვილმა განაცხადა.

როგორც „ინტერპრესნიუსს“ ინფრასტრუქტურისა და რეგიონული განვითარების სამინისტროდან აცნობეს, მინისტრის მოადგილე რაჭაში, სტიქიის ზონაში იმყოფება.

„დაახლოებით დილის 5 საათიდან დაიწყო სტიქია, ძალიან უხვი ნალექი იყო. სხვადასხვა სიმძიმის დაზიანებებია გზებზე, ზოგიერთ შემთხვევაში მარტივად შეიძლება აღმოიფხვრას პრობლემა, ზოგან კი უფრო რთული სამუშაოა ჩასატარებელი. რაც შეეხება წყალს, ონის სათავე ნაგებობებიდან გამოდის ორი ცენტრალური მაგისტრალი. საბედნიეროდ, ერთი მაგისტრალი დაზიანებული არ არის და ქალაქს წყალი მიეწოდება. მდინარისთვის კალაპოტის შეცვლის შემდეგ, ვიმედოვნებთ, რომ ტექნიკური ჯგუფები კიდევ უფრო გამართავენ წყლის მილებს და მოსახლეობის წყალმომარაგებაში შეფერხება არ გვექნება“, - აღნიშნა ილია ბეგიაშვილმა.

მისივე ინფორმაციით, სტიქიის ზონიდან უკვე გამოიყვანეს ის მოქალაქეები, ვინც დახმარებას ითხოვდა და ამ დროისთვის არც ერთ სოფელში ევაკუაციასთან დაკავშირებული პრობლემა არ არის.

რამაზ საყვარელიძე - თუ „ქოც/ნაცებმა“ მიაღწიეს საწადელს, ისევ დატოვეს ამომრჩეველი ორ პოლუსს შორის, მაშინ არაფერი შეიცვლება, ამ კინოსაც ის დასასრული ექნება, რაც ადრინდელ კინოებს ჰქონდათ
ქართული პრესის მიმოხილვა 23.09.2021
დიმიტრი შველიძე - ახლა პოლიტიკური ელიტა იდეებისაგან დაცლილია, ფულის ფაქტორი გადამწყვეტია, სოციალური პოლარიზაცია უძლეველია და კაცმა არ იცის, ელექტორატის უმრავლესობა ვის უჭერს მხარს
საქართველოს უნივერსიტეტი ვაქცინაციის პროცესში ჩაერთო
შპს „ლუკოილ-ჯორჯიამ“ კომპანია „უნიგრუპის“ წინააღმდეგ სასამართლოში სარჩელი შეიტანა
„კასტელო მარე“ ზაფხულის წარმატებული სეზონის შემდეგ საშემოდგომო სეზონისთვის ემზადება
„უმალი“ გაყინული თევზის ბაზარზე შესვლას გეგმავს