ირაკლი ქარსელაძე - ალტერნატიული გზით სტიქიის ზონაში რამდენიმე სოფელთან მისასვლელი  გაიხსნება

რაჭაში სტიქიის შედეგების ლიკვიდაციის მიზნით, საქართველოს ინფრასტრუქტურისა და რეგიონული განვითარების მინისტრის პირველი მოადგილე ირაკლი ქარსელაძე და საავტომობილო გზების დეპარტამენტის თავმჯდომარის მოადგილე გიორგი წერეთელი სტიქიის ზონაში საჭირო სამუშაოებს ადგილზე უძღვებიან. ამის შესახებ „ინტერპრესნიუსს“ საავტომობილო გზების დეპარტამენტიდან აცნობეს.

"სტიქიის მასშტაბი ძალიან დიდია, ხაზობრივად არის განვითარებული, რაც კიდევ უფრო ართულებს ვითარებას, თუმცა მიუხედავად ამ გამოწვევებისა, დილის 5 საათის შემდეგ უკვე შევძელით და 118-ე კილომეტრზე მოწყობილია შემოვლითი გზა. შესაბამისი ტექნიკა- 12 ერთეული უკვე მობილიზებულია. ყველაზე კრიტიკული ორი მონაკვეთია, სადაც ამჟამად ასევე შემოვლითი გზა ეწყობა. ჩაწყვეტილია დაახლოებით 250 მეტრი გზა და ამ წერტილებში მდინარე ძალიან აგრესიულია“, - განაცხადა ირაკლი ქარსელაძემ.

მისი ინფორმაციით, ალტერნატიული გზის საშუალებით რამდენიმე სოფელთან მისასვლელი გზის გახსნა იქნება შესაძლებელი.

„ამ დროისთვის იდენტიფიცირებულია 12 ლოკაცია, სადაც ეწყობა დროებითი სახიდე გადასასვლელები ან შემოვლითი გზები, რომელიც საშუალებას მოგვცემს, დანარჩენ ლოკაციებზე ტექნიკა გადავიყვანოთ. სწორედ ის ადგილი, სადაც ახლა ტექნიკაა შესული და ალტერნატიული გზა გაყავთ, მოგვცემს შესაძლებლობას, რომ რამდენიმე სოფელს მისასვლელი გზა გავუხსნათ",- აღნიშნა ქარსელაძემ.

„საავტომობილო გზების დეპარტამენტის წარმომადგენლები: საპროექტო ჯგუფი, მეგზევეები და მეხიდეები სტიქიის ზონაში არიან მობილიზებულები. ისინი პირველად ინფორმაციაზე დაყრდნობით მუშაობენ როგორც საპროექტო გადაწყვეტილებებზე, ისე შემდგომი პრევენციის გეგმაზე.

სპეციალისტები ასევე ადგილზე უწევენ კოორდინაციას სტიქიის შედეგად დაზიანებული ინფრასტუქტურის აღდგენით სამუშაოებს და სტიქიის შედეგების ლიკვიდაციისთვის აუცილებელ ღონისძიებებს, რათა უმოკლეს ვადებში აუცილებელი სამუშაოები შესრულდეს და აღდგეს დაზიანებული ინფრასტრუქტურა”, - ნათქვამია ინფორმაციაში.

რამაზ საყვარელიძე - თუ „ქოც/ნაცებმა“ მიაღწიეს საწადელს, ისევ დატოვეს ამომრჩეველი ორ პოლუსს შორის, მაშინ არაფერი შეიცვლება, ამ კინოსაც ის დასასრული ექნება, რაც ადრინდელ კინოებს ჰქონდათ
ქართული პრესის მიმოხილვა 23.09.2021
დიმიტრი შველიძე - ახლა პოლიტიკური ელიტა იდეებისაგან დაცლილია, ფულის ფაქტორი გადამწყვეტია, სოციალური პოლარიზაცია უძლეველია და კაცმა არ იცის, ელექტორატის უმრავლესობა ვის უჭერს მხარს
საქართველოს უნივერსიტეტი ვაქცინაციის პროცესში ჩაერთო
შპს „ლუკოილ-ჯორჯიამ“ კომპანია „უნიგრუპის“ წინააღმდეგ სასამართლოში სარჩელი შეიტანა
„კასტელო მარე“ ზაფხულის წარმატებული სეზონის შემდეგ საშემოდგომო სეზონისთვის ემზადება
„უმალი“ გაყინული თევზის ბაზარზე შესვლას გეგმავს