საავტომობილო გზების დეპარტამენტი - რაჭაში სტიქიის სალიკვიდაციო სამუშაოები აქტიურად გრძელდება

რაჭაში სტიქიის შედეგების ლიკვიდაციის მიზნით, საქართველოს ინფრასტრუქტურისა და რეგიონული განვითარების მინისტრის პირველი მოადგილე ირაკლი ქარსელაძე და საავტომობილო გზების დეპარტამენტის თავმჯდომარის მოადგილე გიორგი წერეთელი სტიქიის ზონაში საჭირო სამუშაოებს ადგილზე უძღვებიან. ამის შესახებ „ინტერპრესნიუსს“ საავტომობილო გზების დეპარტამენტიდან აცნობეს.

„ამ დროისათვის 5 სოფელს უკვე მიეწოდება ელექტროენერგია და იმედი გვაქვს, რომ დღის ბოლომდე კიდევ სამი სოფლისთვის შესაძლებელი იქნება ელექტროენერგიის აღდგენა, რაც შეეხება საგზაო ინფრასტრუქტურის აღდგენას, აქტიურად ვმუშაობთ ამ მიმართულებით, უკვე ჩართული გვყავს 17-მდე ერთეული მძიმე ტექნიკა და დამატებითი ტექნიკაც გზაშია, ამ დროისათვის ველოდებით მდინარის დინების დასუსტებას, რათა შევძლოთ ერთდროულად მეტი ტექნიკის შეყვანა და უფრო აქტიური სამუშაოების წარმოება “,- განაცხადა ირაკლი ქარსელაძემ.

უწყების ინფორმაციით, საავტომობილო გზების დეპარტამენტის წარმომადგენლები: საპროექტო ჯგუფი, მეგზევეები და მეხიდეები სტიიქიის ზონაში არიან მობილიზებულები. ისინი პირველად ინფორმაციაზე დაყრდნობით მუშაობენ როგორც საპროექტო გადაწყვეტილებებზე, ისე შემდგომი პრევენციის გეგმაზე.

სპეციალისტები ასევე ადგილზე უწევენ კოორდინაციას სტიქიის შედეგად დაზიანებული ინფრასტუქტურის აღდგენით სამუშაოებს და სტიქიის შედეგების ლიკვიდაციისთვის აუცილებელ ღონისძიებებს, რათა უმოკლეს ვადებში დასრულდეს აუცილებელი სამუშაოები და აღდგეს დაზიანებული ინფრასტრუქტურა.

კახა გოგოლაშვილი - ევროკავშირის მედიაცია გახდა ინსტრუმენტი, რომელიც არ არის ერთჯერადი, სანამ კრიზისი არ მოგვარდება, ევროკავშირი ამ პროცესში ჩართული იქნება
ქართული პრესის მიმოხილვა 03.03.2021
ქართული კონსტიტუციის 100 წლისთავთან დაკავშირებით კავკასიის საერთაშორისო უნივერსიტეტი სამეცნიერო კრებულს ამზადებს
იურიდიული პირები პროკრედიტ ბანკში ანგარიშებს დისტანციურად გახსნიან
ევროპის გუნდი: ლიბერთი ბანკისთვის უზრუნველყოფილი დამატებითი დახმარებით, COVID-19-ის კრიზისის დასაძლევად  ევროპის საინვესტიციო ბანკის მიერ მიკრო, მცირე და საშუალო საწარმოების მხარდაჭერა ახალ ეტაპზე გადადის
"მაგნიტის" ყოველდღიური 20%-იანი აქცია უფრო მრავალფეროვანი ხდება
სამომხმარებლო სესხი 3-თვიანი სრული საშეღავათო პერიოდით - ტერაბანკის ახალი აქცია