სოფელ ყარაჯალარიდან ლუგარის ლაბორატორიაში გადაგზავნილი 196 პირის ტესტირების შედეგი უარყოფითია
გარდაბნის მუნიციპალიტეტის სოფელ ყარაჯალარიდან, ლუგარის ლაბორატორიაში გადაგზავნილი 196 პირის ბიოლოგიური მასალის ,,პისიარ“ ტესტირების შედეგად, კორონავირუსი არცერთს არ დაუდასტურდა.
როგორც ,,ინტერპრესნიუსს“ გარდაბნის მუნიციპალიტეტის მერიაში განუცხადეს, დღის ბოლოს იმ 25 პირის ,,პისიარ“ ტესტირების შედეგებს ელოდებიან, რომლებიც გუშინ ყარაჯალარში დადასტურებული კოვიდინფიცირებულების ახლო კონტაქტები არიან. სოფელში, ეპიდემილოგებმა მოსახლეობის გაფართოებული ტესტირება ჩაატარეს, ჯამში „პისიარ“ ტესტირება 2400 პირს ჩაუტარდა.
დღეისათვის, სოფელ ყარაჯალარში კოვიდინფიცირების 36 დადასტურებული შემთხვევაა, ჯამში გარდაბნის მუნიციპალიტეტში 56 პირია ინფიცირებული. სოფელში უკვე მეშვიდე დღეა კარანტინის რეჟიმი მოქმედებს, შესასვლელებსა და გამოსავლელებს, ასევე ყარაჯალარის ტერიტორიაზე მოსახლეობის გადაადგილებას, სამართალდამცავები აკონტროლებენ.
